Cias tov kaz suôx câuv chiv thênhx caz shông 2023, Phòng Kôngz lông thiaz huôv tsar jêx jok huyện tưz đros têx xã tu têx txir tov kaz đê tas thiaz bax trâu chiv kôngz yiaz. Trung tâm Paz kria pêx xênhv uô kôngz, tu zus tsiax huyện kria pêx xênhv tu txir thênhx caz trơưk đraiv tsưr ziv; cxênhz yuôx, kriz đar qơư chos trơưk tsưr ziv VietGAP. Gruô hu, zaz zâuv tuz kôngz siz khov, cxiv tsa têx HTX, tổ siz khov chos thênhx caz chia zôngx ziv hâur ntu chos, tu, kriz đar qơư muôs têx txir. Đros ntơư, huyện zaz zâuv pêx xênhv muôz têx txir muôs ntơưv têx jias kriz ciaz zos tỉnh thiaz oz chas tỉnh kriz; moz siaz fuô kria txir trâu têx nênhs sir zôngv. 

Mường Và zos xã chos thênhx caz ntâu yax thax tsav huyện, muôx yax 140 ha. Hâu ntơư, zuôr luôs 60 ha tưz tâu đê txir, tuz kôngz phênhv ntâu zos chos zav thênhx caz iz txưv chos hâur thax tsav thiaz thênhx caz V2. Haik txos thênhx caz Nà Mòn, ntâu shông đhâu, têx nênhs sir zôngv zênhv hnuz zênhv nhiav zuôr, xã tưz gruô hu pêx xênhv hlôngr têx têz chos kôngz tsik jông chia chos zav txir thênhx caz ntơư. Đros ntơư, siz khov đros Trung tâm Paz pêx xênhv uô kôngz, tu zus tsiax huyện cxênhz yuôx thax tsav, kria tsưr ziv tu trơưk đraiv chai, paz trâu thênhx caz Nà Mòn muôx qơư sơưr hâur cêr luôv. Tsa tơưv 2 HTX kôngz lông Cầm Vinh, jok Tặc Tè thiaz HTX kôngz lông Duy Lợi, jok Nà Mòn, chia paz zôngx ziv trâu hâux lưv pâur muôs txir.

Zơưs Lò Văn Dượng, Bí thư chi bộ, Hâu jok Nà Mòn, xã Mường Và, haik pâuz: Jok muôx 50 zis chos yax 40 ha thênhx caz, hâu ntơư yax 22 ha tưz tâu đêx txir. Cias thâuv hâu hli 10, tuz luôv tưz tuôx chos luk zuôr têx txir thênhx caz. Tus gri siaz đuô cxuô shông, fênhx đraz txix 25-30 cxênhz đaiv nhiax/chiaz. Tuôr xav shông no, zuôr đê tâu txir thênhx caz nto li 8 tấn/ha. Thênhx caz tưz yênhx zav kôngz paz trâu pêx xênhv sâu tâu nju nhiax txiax, tơưv đhâu cêr pluôs, uô bluô nux.

Zơưs Vì Văn Thuận, jok Lọng Tòng, xã Nậm Lạnh, haik pâuz: Thênhx caz ntơưr no tâu phaiz uô 2 jias đê txix luz đraz hli 10 txos trâu luz 1 hli ntux shông tov kaz. Zis nênhs muôx 0,5 ha chos thênhx caz, tuôr xav shông no zuôr đê tâu yax 4,5 tấn txir, phênhv ntâu zos muôs trâu têx tuz luôv thax tsav huyện. Txix shông 2022, nưk zis nênhs tưz chos thiaz tu trơưk tsưr ziv VietGAP, viv li muôs tâu jông. Ntâu shông đhâu, têx txir thênhx caz tus gri muôs tâu txix 20.000 - 30.000 đaiv nhiax /chiaz.

Đros trâu tus gri muôs truôx njês li nhiv no, tuz kôngz huyện Sốp Cộp zuôr sâu tâu nju nhiax txiax sir zôngv. Txix ntơư, paz trâu tuz kôngz tror moz siaz tu, saiz shuôk, kriz đar qơư chos, cxiv tsa côngz bê thênhx caz hâur thax tsav./.