Muk txos trâu xã Đông Sang, thax tsav chos txir plâux ntâu yax ntơưv Mộc Châu, đros trâu 96 ha, ntu no têx vax txir plâux taz tov tâu pêx xênhv uô tiz jông tu chia muôs trâu têx nênhs sir zôngv hâur luz Tsiaz. Chox pêz muk shuôk iz cxia vax txir hâur thax tsav xã, pos Vì Thị Phương, Phó Chủ tịch UBPX xã, haik pâuz: Txir plâux tâu chos thâuv hli 9, piz đê thâuv hli 12 txos trâu luz 4 hli shông tov kaz. Chia cov tu tâu têx txir plâux jông, xã tưz đros têx cơ quan muôx vax huôv kriz têx jias kria nzir tsưr ziv trâu têx zis tuz kôngz chos txir plâux trơưk tsưr ziv VietGAP, chia cov txir plâux kaz, hur. Nhiv no, fênhx đraz đê tâu 15 tấn txir/ha, tus gri muôs txix 200-400 cxênhz đaiv/chiaz; fênhx đraz iz ha txir plâux muôs tâu 2 tỷ đaiv.

Muk shuôk luz vax txir plâux đar zuôr luôs 1,6 ha ntơưv tix lâus Hoàng Văn Bằng, jok Áng, xã Đông Sang zis nênhs taz tov siar, têx thành viên hâur zis nênhs taz tov moz siaz đê chia muôs trâu têx nênhs sir zôngv hâur luz Tsiaz. Tix lâus Bằng kria pâuz: Cur zis nênhs tưz muôz nhiax uô tsêr vak, sir zôngv tsưr ziv tsuôs tsik xuôv đêx, tưx tso qir. Nhiv no, cxuô hnuz, cur zis nênhs đê tâu txix 70-100 chiaz txir, đê txos tưs, muôs tas txos ntơư, đros trâu tus gri muôs txix 200-380 cxênhz đaiv/chiaz.

Thị xã Mộc Châu muôx zuôr luôs 130 ha txir plâux, phênhv ntâu chos ntơưv têx xã: Đông Sang, Mường Sang, thị trấn Mộc Châu thiaz thị trấn Nông trường Mộc Châu. Viv pâuz sir zôngv tsưr ziv yiaz lok chos, tu, txir plâux Mộc Châu lok six lox, muôx cuô, kaz jiz thiaz zos iz hâur têx hax huv nto bê hâur huyện tâu muôs trâu ntơưv têx ciaz khư nhoz Hà Nội thiaz ntâu tỉnh, thành phố hâur hur si têz qơưk. Fiv huv trâu têx nênhs sir zôngv, yax hlo zos hâur luz Tsiaz, têx zis chos txir plâux tưz uô tiz jông xair, tov kaz ntơư muôz ntiv cov jông chia muôs trâu têx nênhs sir zôngv.

Tưz tsik zos paz sâu nju nhiax txiax sir zôngv xưz, têx tsưr tsêr chos txir plâux tsênhv kriz kror trôngx chia têx kruô nuôv zax tâu ndis shuôk, uô si, tưx đê txir thiaz thaix đuôz check-in. Ntơư zos hâux lưv tâu chôngz lênhx kruô nuôv zax lok six nhiav thâuv tuôx trâu thax tsav no.

Pos Đặng Thị Huyền, HTX Pax Mộc Châu, thị trấn Nông Trường Mộc Châu, haik pâuz: HTX chos yax 15 ha txir plâux; chia paz max trâu têx kruô tuôx ndis uô si, đê txir, HTX tưz ntiar txir têx nênhs saiz car, phaiz qơư chia têx kruô nuôv zax tâu đê txir thiaz thaix đuôz hâur vax txir. Iz chas ntơư, kruô nuôv zax tsênhv tâu nox siv têx kak nox zos muôz txir plâux uô tâu hâur HTX. Têx kruô nuôv zax tuôx ndis chôngz yax zos hâur kaz tuần, muôx têx hnuz tok tâu yax 1.000 pưs kruô.

Đros zis nênhs tuôx ndis shuôk, uô si ntơưv HTX Pax Mộc Châu, muôv Trần Thu Thủy, thành phố Hà Nội, haik pâuz: Zuk tâu đê txir, tâu nox cias ntơưv vax thâuv nhiv kruôr đê, lok six jông siaz. Cur tưz xair têx txir lox, jông gâux chia gra muk trâu zis nênhs nox.

Txix li uô tiz jông tu hâur ntu chos, tu txos trâu ntu đê txir thiaz ntiv hnaz, txir plâux Mộc Châu tưz fiv huv trâu têx nênhs sir zôngv siaz nhiav. Jias Tsiaz têz qơưk, têx txir plâux lox, jông gâux tưz tsik zos paz trâu tuv tâu tsuv txir hmaz txir ntông jông gâux xưz, mak tsênhv zos têx huv muôx txiax njis thiaz paz lês nto mông đêz đar têx zav muôx txơưv jông hâur luz chaix ntux yiaz ntơưv Mộc Châu txos trâu cxuô thax tsav.