Mộc Châu zos qơư ndis shuôk tox trôngz hâur pêk thax tsav jông yax hlo ntiax têz, zos iz hâur têx đrôngs nuôv zax tsênhv chênhz hâur thax tsav kâuv têz hnuz pôngz thiaz têz qơưk. Mộc Châu taz tov zos qơư trâu ntâu tus kruô nhiav tuôx ndis shuôk, kror moz siaz ntơưv têx đơn vị chox kruô thiaz ntâu tus nênhs cxơưz cxiv. Yôngv siaz nux gri nuôv zax, cxơưz pênhr xưv trâu Mộc Châu cov cxuô luz têz qơưk kaz ntus ntux pâuz txos, chia huôv tsar truôx njês, huyện Mộc Châu tsik tsês moz siaz sir zôngv chuôz zênhx fuô mông trâu huôv tsar nuôv zax.

Sir zôngv nuôv zax thôngz tsiz “Mộc Châu Tour” zos Công ty Cổ phần IGB paz trâu huyện Mộc Châu zuôr luôs 4 tỷ đaiv nhiax chia paz sir jos trâu jâus hlôngr pâur số, chuôz cêr huôv tsar trâu têx tsêr luôv, kho nzir cêr nox nhoz, uô nênhx yar ntux trâu pêx xênhv zuk thax tsav; nriar cêr zôngx ziv trâu nuôv zax huyện huôv tsar. Sir zôngv số hlôngr 5 kror qơư muôx li: Nuôv zax têx qơư muôx bê hu, txux chi jêx jok, hax huv cênhz cưv, kar nox thiaz so txuôs jos. Sir zôngv tsa tơưv têx cơ quan têz qơưk zôngx ziv saiz car têx hâux lưv uô luôv trâu zuk thax tsav; paz têx tsêr luôv, đơn vị, ziv uô luôv muôx qơư kriz, fuô luk, yâu mông têx hax huv txos trâu kruô nuôv zax thiaz paz kruô nuôv zax muôx cêr ndis shuôk Mộc Châu nhaz xênhz, zôngx ziv.

Hâux lưv tsênhz mênhx muôz sir zôngv nuôv zax thôngz tsiz “Mộc Châu Tour”  chox lok lês zos iz kro hlar yiaz ntơưv saz nuôv zax huyện Mộc Châu; chuôz jos "cxơưz" chia hax huv nuôv zax ntơưv huyện Mộc Châu zênhv hnuz zênhv muôx kruô hâuk zuk têz qơưk thiaz luôs oz chas têz tuôx saiz thiaz ndis shuôk.

  Đhok thiaz truz sir zôngv Mộc Châu Tour sâuv Appstore lok sik Google Play:

- iOS: http://mocchautour.vn/download-app/ios

- Android: http://mocchautour.vn/download-app/android