Ntơưv qơư uô hâux lưv Đại sứ quán têz qơưk Lok Tsuôk, hlôngr njêx muôs Đảng bộ, nov hâu thiaz pêx xênhv tỉnh Sơn La, đồng chí Phó Chủ tịch UBPX tỉnh Đặng Ngọc Hậu tưz muôx luk phôngv côngz shông yiaz txos trâu thơưx car têz qơưk Lok Tsuôk, đros trâu Đại sứ Khamphao Ernthavanh tus khênhx thiaz hur si têx cán bộ, nênhs uô hâux lưv hâur Đại sứ quán Lok Tsuôk ntơưv Việt Nam. Đồng chí haik mênhx, cêr siz khov truôx khor, thôngx siaz txơưr hlo ntơưv Việt Nam - Lok Tsuôk tsik tsês huôv tsar tâu jông, hâu ntơư, muôx cêr siz khov ntơưv Sơn La thiaz têx tỉnh Kâuv têz Lok Tsuôk.

Đồng chí Phó Chủ tịch UBPX tỉnh xar cov hâur shông 2026, cêr siz khov txix li Việt Nam - Lok Tsuôk haik tas nro thiaz tỉnh Sơn La đros têx tỉnh Kâuv têz qơưk Lok Tsuôk haik khênhx zuôr truôx khor đuô, đhâu têx hâux lưv lês mênhx pêv. Đhâu ntơư, paz trâu pêx xênhv oz luz têz qơưk luz nênhx tâu jông đuô, đros ntơư paz cxiv kho nzir thiaz siz khov truôx khor đuô txix li oz luz têz qơưk.

Muôx luk jias njiz njêx muôs, Đại sứ Hlôngr njêx muôs têz qơưk Lok Tsuôk ntơưv Việt Nam Khamphao Ernthavanh uô tsâus txos tỉnh Sơn La tưz mul phôngv Tsiaz Bun - Pi may, đros ntơư kruôk txos têx cêr siz khov tâu jông ntơưv tỉnh Sơn La thiaz têx tỉnh kâuv têz qơưk Lok Tsuôk tưz lês tâu hâur ntu đhâu. Xar cov tỉnh Sơn La tror cxơưz paz  pêx xênhv têz qơưk Lok Tsuôk hâur cêr huôv tsar nhiax txiax - xã hội, por hưv njias to thax tsav; đros ntơư, tror moz siaz paz têx shuv xênhz Lok Tsuôk taz tov cơưv shâuv ntơưv Sơn La.