Têx đại biểu tưz yaz đuô cênhz cưv siz khov, siz trâus jông, siz khov cxix cxuô txix li Việt Nam thiaz Lok Tsuôk, tỉnh Sơn La đros têx tỉnh kâuv têz Lok Tsuôk. Đros trâu têz qơưk, hâur ntu cênhz cưv cxiv tsa têz qơưk, cêr siz khov, siz trâus jông ntơưv tỉnh Sơn La thiaz têx tỉnh kâuv têz qơưk Lok Tsuôk tưz tsik tsês tâu saiz thiaz huôv tsar.

Têx shông đhâu, Bộ CHQS tỉnh Sơn La tưz moz siaz lês jông côngz xưv đros oz chas têz por hưv jông đriv têz cxix cxuô, cxơưz paz muôx cêr thôngx siaz đuô txix li tuz lênhv thiaz pêx xênhv oz luz têz qơưk Việt Nam – Lok Tsuôk, cxiv tsa đriv têz nhoz nhaz xênhz, truôx njês, siz khov thiaz huôv tsar.

Hâur jias siz chos thav lul, têx học viên Tuz lênhv pêx xênhv Lok Tsuôk taz tov cơưv ntơưv tỉnh Sơn La thiaz paz nênhs sênhr chêr ntơưv thành phố Sơn La tưz nthuôr têx jax sênhr chêr kruôk txos cêr nhiav têz, nhiav qơư, cêr siz khov, siz trâus jông txix li pêx xênhv 2 luz têz qơưk Việt Nam – Lok Tsuôk; kruôk txos cênhz cưv uô têz qơưk, cênhz cưv ntơưv Tuz lênhv pêx xênhv Việt Nam, Tuz lênhv pêx xênhv Lok Tsuôk, txix li cêr siz hluz, siz paz, thôngx siaz txơưr hlo thiaz siz khov cxuô zav txix Việt Nam – Lok Tsuôk.

Ndax jias no, Ban Thôngz xor tưx zênhv lês hâux lưv thiaz cưk txux gia quân sự Việt Nam ntơưv Lok Tsuôk tỉnh Sơn La tưz muôz Côngz mênhx tuz lênhv tưx zênhv lês hâux lưv Việt Nam ntơưv Lok Tsuôk trâu thơưx car Trung đoàn 754.