Thơưx jâus tâu kriz yênhx côngz trâu shông 2014, hnuz tưr đê txir nkhơưz kaz jiz huyện Mộc Châu tưz yênhx iz kro cxênhx xưv txux chi – Nuôv zax tâu kriz tsik tsês ntơưv huyện. Hnuz grâuv pax đê txir chia tuz kôngz tâu fuô kria zuk têx txir nox trâu têx fôngx zưs, kruô pâuz txos. Ntơư zos jâus muôx chôngz kruô tuôx shuôk, đê txir thiaz nox têx txir kaz tsuôk zos lax trôngz Mộc Châu thiax muôs.

Pos Nguyễn Thị Hoa, Phó Chủ tịch UBPX huyện Mộc Châu, haik pâuz: Nhiv no Mộc Châu muôx yax 3.200 ha txir khơưz kaz jiz, zos thax tsav chos txir nkhơưz ntâu yax hlo hâur têz qơưk. Hax huv txir khơưz kaz jiz Mộc Châu txâuk chai nhaz xênhz nhoz thax tsav chos trâu ntơưv tỉnh Sơn La. Txir khơưz Mộc Châu mal kaz jiz, fov, tsư ha thiaz muôx liv trâu tiz nênhs đas jos li ntơư đhâu hnuz grâuv pax, Mộc Châu zuôr kria têx txir khơưz kaz jiz Mộc Châu txos trâu têx nênhs zuôr zôngv hâur têz qơưk thiaz oz chas têz qơưk.

Tuôx shuôk Hnuz grâuv pax đê txir khơưz kaz jiz huyện Mộc Châu shông 2023, tix lâus Đỗ Quang Long, kruô nhoz Hà Nội tuôx tưz shir phaz lus thav: Cur lol six shir phaz trâu jâus tuôx pov têx cêr lov jêv hnuz tưr đê txir, muôx lol six chôngz kruô nhoz cxuô kror qơư thiaz kruô oz chas têz qơưk cux tuôx côngv trâu hnuz grâuv pax. Lar haik mal lênhx tưs cux nhiav thiaz tsês trâu đruôz siaz txix li pov kror jông nhoz trâu lax trôngz njuôz xiaz cux li têx hax huv chos tâu trâu trôngx têz no.

Hok ntơưv Yên Châu, thax tsav chos ntâu txir tsơưz, mo môngk, txos luz 6 hli yênhx shông, cxuô lênhx ho mul côngv trâu hnuz grâuv pax mo môngk. Zơưs Nguyễn Quang Hưng, Thơưx Phòng Văn hóa – Thông tin huyện Yên Châu, thav pâuz: Hnuz grâuv pax txir mo môngk huyện Yên Châu tâu kriz tsik tsês txix shông 2017 txos nhiv no đros trâu fuô kria côngz bê mo môngk Yên Châu thiaz têx hax huv jông hâur thax tsav huyện. Tov kaz no, hnuz grâuv pax tưz muôx ntâu zav lol sâuv txux chi, lov jêv, thể thao tưz muôx chôngz pêx xênhv thiaz kruô tuôx côngv, tuôx saiz, đhâu ntơư fuô kria txos txux chi thiaz nuôv zax Yên Châu, paz iz phênhv tưs cxơưz nhiax txiax puôk tsar zav ntơưv huyện huôv tsar.

Sơn La nhiv no muôx yax 84.700 ha ntông nox txir cxuô zav, zos thax tsav chos ntâu yax hlo tos kâuv têz, hâur plâuz luz chaix thơưv shông puôr lênhx muôx cxuô zav txir nox kaz. Cxuô kror qơư puôr lênhx muôx thax tsav chos ntông nox txir, sâu tâu têx hax huv muôs tâu gri trâu yênhx kror qơư, chia cxiv tsa côngz bê thiaz muôx ntơưr kria qơư chos. Têx hnuz grâuv pax lov jêv lus tưz kria txos têx hax huv kôngz lông, txir nox jông muôx côngz bê lol sik muôz ntơưr kria qơư chos li: Hnuz grâuv pax đê txir nkhơưz kaz jiz, hnuz grâuv pax yuôx zêx (Mộc Châu); hnuz grâuv pax lưv tsiz (Sông Mã); hnuz grâuv pax mo môngk (Yên Châu); hnuz grâuv pax txir thênhx caz (Phù Yên); hnuz grâuv pax cà phê (Mai Sơn). Nhiv kruôr no zos Hnuz grâuv pax chaix pax txir tuôz ziz tơưs ntơưv UBPX huyện Mường La tưz tâu Cục Bản quyền tác giả, Bộ Văn hóa, Thể thao thiaz Nuôv zax muôz ntơưr chos lul vax huôv ntias tus.

Cxuô cêr grâuv pax têx nênhs uô cxuô zav nuv cux tâu tsa yênhx txix li têx zav muôx txơưv, yênhx cxênhx xưv tâu kriz tsik tsês hâur shông. Têx hnuz grâuv pax tâu kriz đros trâu têx hâux lưv lês shir phaz lus, kria txos têx kôngz txir nox, txux chi, tiz nênhs hâur thax tsav. Hnuz grâuv pax tsênhv chia têx nênhs uô kôngz lông, chos ntông nox txir cov tâu siz chos cơưv shâuv tsưr ziv, siz paz chia cxiv tsa cêr siz khov, siz côngv txix li têx tsêr luôv, tuz luôv côngv muôs hax huv, đros têx zis uô kôngz lông, lax luôv coz, têx nênhs uô lax luôv hâur tỉnh thiaz oz chas tỉnh. Kriz grâuv pax têx nênhs uô nuv đros trâu têx hâux lưv txux chi yênhx têx jias chia muôx kruô tuôx saiz shuôk cov yênhx zav hax huv jông, txơưr hlo trâu yênhx thax tsav, nhoz trâu trôngx têz ntơưv Sơn La