Đros muk muôx đồng chí Của Xênhv Tsaz, Ủy viên  Ban Thường vụ Tỉnh ủy, Phó Chủ tịch HĐPX tỉnh; thơưx car iz cxia sở, ngành ntơưv tỉnh. Taz, uô hâux lưv đros paz nov, muôx đồng chí Chăn Thong Kẹo Pạ Sớt, Phó Bí thư Tỉnh ủy, Thơưx ban Tổ chức Tỉnh ủy Luông Nậm Thà, têz qơư Lok Tsuôk.

Hâur cêr siz ndơưs, jông siaz trâu shông yiaz, đồng chí Hoàng Quốc Khánh tưz muôx luk phôngv tsiaz shông yiaz txos hur si Đảng bộ, nov hâu thiaz px tỉnh Luông Nậm Thà; phôngv côngz , côngv cêr lov jêv txix têx hâux lưv huôv vav nhiax txiax - xã hội tỉnh uô tâu hâur shông đhâu.

Đồng chí Chủ tịch UBPX tỉnh Sơn La tưz fuô kria sai cêr huôv vav nhiax txiax - xã hội ntơưv tỉnh Sơn La hâur shông nhuôv kruôr đhâu. Hâur ntơư, đồng chí haik txos têx  zav uô jông tsik so tâu moz siaz cxơưz cxiv trơưk faz siz luôs. Shông 2022, tỉnh Sơn La muôz txox cêr têz qơư 6 ntu jav thành phố Sơn La muk lok; trâu siaz bax cxiv tsa dự án cêr yêz muk chênhr Hòa Bình - Mộc Châu, ntu ntơưv thax tsav tỉnh Sơn La  thiaz yar yêz za Nà Sản. Đồng chí phôngv côngz cêr siz trâus jông thiaz siz khov tas nro ntơưv oz luz têz qơư  Việt Nam – Lok Tsuôk, tỉnh Sơn La - tỉnh Luông Nậm Thà zênhv hnuz zênhv huôv tsar, sâu tâu ntâu hâux lưv jông gri.

Txix li cêr jông siaz, đồng chí Chăn Thong Kẹo Pạ Sớt, Phó Bí thư Tỉnh ủy, Thơưx ban Tổ chức Tỉnh ủy Luông Nậm Thà uô tsâus txos kror moz siaz txơưr hlo ntơưv Sơn La chia trâu Luông Nậm Thà. Đros ntơư, tok nrư cêr siz trâu jông, thôngx siaz txơưr hlo ntơưv oz luz têz qơư Lok Tsuôk - Việt Nam  thiaz  2 tỉnh Luông Nậm Thà – Sơn La zênhv hnuz zênhv ndê tsas. Ntu no muk, tỉnh Luông Nậm Thà tok nrư tỉnh Sơn La tror paz px, tsêr luôv oz luz tỉnh tsik so siz njiz, siz nus chia cxơưz cxiv cêr huôv vav nhiax txiax - xã hội, cux li bôngs nzir cêr siz trâus jông, siz khov ntơưv oz luz tỉnh.

Ndax jâus no, tỉnh Sơn La tưz puz  5 máy tính gra têk, xav gri 100 triệu đaiv trâu  tỉnh Luông Nậm Thà.