Cxuô shông, Trung tâm zok nriar hâux lưv uô tỉnh tưz siz chos đros nov hâu cxuô thax tsav kriz fuô kria hâux lưv ntơưv têx xã, jok; kria têx tsêr luôv hâur tỉnh thiaz oz chas tỉnh xar zuôr nênhs uô hâux lưv trâu têx nênhs uô nuv. Hâur 9 hli shông no, Trung tâm tưz siz chos côngv kriz 119 jias kria têx qơư xar zuôr nênhs uô hâux lưv trâu 4.669 lênhx nênhs ntơưv têx huyện, thành phố. 

Zơưs Vũ Quang Khải, Giám đốc Trung tâm, haik pâuz: Ntơưv jias fuô kria zok nriar hâux lưv uô, cơưv tsưr ziv uô hâux lưv, muk uô hâux lưv trâu oz chas têz thiaz xair nênhs uô hâux lưv ntơưv têx xã, Trung tâm tưz chơư têx tsêr luôv xar zuôr nênhs uô nuv tuôx kria txos qơư uô hâux lưv, nênhs uô nuv vax huôv trơưk chai. Têx jias fuô kria tưz gruô hu tâu yênhx cxênhz lênhx pêx xênhv côngv zok nriar cov tâu hâux lưv uô fiv huv zuk tus khênhx.

Iz chas ntơư, Trung tâm tưz moz siaz đros Trung tâm zok nriar hâux lưv uô têx tỉnh, têx yar cơưv kria uô hâux lưv cov pâuz txos têx tsêr luôv xar zuôr nênhs uô nuv. Đros ntơư, moz siaz kria zok nriar hâux lưv uô, zok nênhs muk uô hâux lưv hâur têz qơưk thiaz oz chas têz qơưk; kria têx qơư xar zuôr nênhs uô hâux lưv đhâu têx chuôz zênhx công nghệ thông tin điện tử: Website: http://vieclamsonla.net; Facebook zok nriar hâux lưv uô Sơn La; Email: ttdvvl.sldtbxh@sonla.gov.vn; đhâu xor tôngx, zalo..., paz trâu nênhs uô nuv nhoz đêz cux tsênhv tâu côngv trâu têx jias kria zok nriar hâux lưv uô. Tsik tsês kria têx qơư zuôr nênhs uô hâux lưv hâur tỉnh, oz chas tỉnh thiaz muk uô hâux lưv trâu oz chas têz qơưk ntơưv têx tsêr luôv tâu chai xair nênhs uô hâux lưv thax tsav tỉnh trâu sâuv Facebook zok nriar hâux lưv uô chia kria thiaz xair. 

Hâur 9 luz hli shông no, Trung tâm kria muk cơưv hâux lưv trâu yax 22.200 lưv nênhs, bâuv 88,9% cêr tuôr xav shông 2023. Đros ntơư, siz chos côngv đros têx tsưr zuôr  nênhs uô hâux lưv nriar tâu 1.789  lênhx nênhs uô nuv truôx njês ntơưv Tập đoàn TexHông, Công ty TNHH xơưk tsôngv hnar Tinh Lợi, Yar cơưv cao đẳng kria uô Thênh Việt Nam, Công ty TNHH công nghiệp Brother Việt Nam, Công ty TNHH Regina Hải Phòng... 

Ntu zuôr txos, Trung tâm zuôr tror siz chos côngv đros kriz têx jias fuô kria ntơưv têx xã, jok chia fuô kria têx cêr chai lok sâuv uô hâux lưv, kria têx qơư xar zuôr nênhs uô nuv, cơưv uô hâux lưv, muk uô hâux lưv trâu oz chas têz qơưk. Tror sir zôngv ứng dụng công nghệ thông tin chia cov gruô hu tâu ntâu lênhx nênhs zok nriar hâux lưv uô; nênhs chos luk xair têx nênhs uô nuv... Sir jos txix nhiv no txos kaz shông, kria qơư uô hâux lưv, cêr chai uô nuv thiaz lês têz qơưk têx hâux lưv trâu yax 3.000 nênhs uô nuv; zok nriar tâu hâux lưv trâu 800 lênhx nênhs uô ntơưv têx công ty, tsêr luôv hâur tỉnh thiaz oz chas tỉnh.