Chia nus cov pâuz txos suôz blôngx no, pêz tưz ndê tâus đêx lox sông Đà, muk txos jok Thẳm Hon, xã Tạ Bú, nhuôv kruôr txos hâu jok tưz hnor suôz blôngx “saik jiv” cxia cxênhr, lov jêv ntưk. Tok pêz, tix lâus Tênhr Xênhv Shôngx, Bí thư chi bộ, Thơưx jok Thẳm Hon, luôs nxi haik tiak: Thẳm Hon muôx 38 ziv, 100% zos tiz nênhs Hmôngz, têx suôz pêz tâu mnôngs no zos kưr blôngx ntơưv têx pox niav hâur jok taz tov shâuv bax muk nthuôr txux chi, haik cưr cxiax, sênhr chêr trâu xiaz 2/9 zuôr txos no. Pox niav nhoz hâur jok no lênhx tưs cux pâuz kưr blôngx, tâu têx lâuk đrav ntêx kria tsês đhâu yênhx fâuv lok thiaz zênhx đros trơưr txox cêr uô nênhx yênhx hnuz ntơưv pêx xênhv Hmôngz.  

Pov têx paz pox niav trâu siaz cơưv shâuv kưr blôngx ntơưv têx tos tsêr, pêz nus txos lênhx tưs cux kria cias trâu pêz xair blôngx thiaz kưr cov đror “saik jiv”, cov yênhx têx suôz trơưk li têx jax cưr cxiax haik… Pos Zênhz Xênhv Hơưx, Chi hội trưởng pox niav jok Thẳm Hon, kria tiak:  Thâuv zâu đros niav muk têz, thâuv so pov niav khênhr kưr blôngx chia kria trâu têx nênhs nhoz đêz pâuz thiaz cux muôx têx suôz blôngx kưr têz tuôx. Ho tâu niav kria xair blôngx, shâuv kưr trơưk têx jax cưr cxiax, tsuôk zos tsik ntêr xưz zuk tưz pâuz kưr blôngx yênhx têx jax lơưv. Nhiv no, ho kria trâu têx mê nhuôv, xênhz lênhx xênhz nzưr thiaz têx fâuv hluôs. Đros ntơư, fuô kria, zaz zâuv têx pox niav hâur jok kria trâu lơưr têx mê nhuôv kưr blôngx chia tsưx tsês têx txux chi ntơưv zuk hair nênhs.

Kria cur xair blôngx thiaz shâuv kưr, pos Zênhz thav pâuz nzir: Blôngx chia kưr zuôr tsuv zos têx blôngx đar tsơưr, chi blôngv, tsik uô hniar cơư, blôngx đu, tsik tuôx plâuz, li blôngx cxuô zav ntông: Lưv tsiz, mo môngk, blôngx chuôz thox,  blôngx njê, blôngx tsơưz…  Viv têx blôngx no tir tâuk tus pa yuôz, tsik ntuôs. Thâuv kưr blôngx muôz oz cxaik têx tuôr oz tos kaz, hâu đaiv blôngx, mav taik tsêv iz saz ntus blôngx hâur oz saz đi ndâux, cov huv gâuk chia kưr cov đaiv blôngx yênh tâuk thiaz đror yênhx suôz, đros ntơư, sir luôx juk tus blais, pa, đi ndâux kưr cov đror yênhx suôz sôngz, lâuk.

Muôz blôngx buôr ntơưv đi ndâux, pos Zênhz thiaz têx pox niav hâur paz haik cưr cxiax max mav kưr blôngx đror uô kho siaz jiv, trơưk gâuk jax cưr cxiax “Hmôngz ndo Đảng côngz”. Kror zôngx ziv, txơưr hlo gas siaz ntơưv suôz blôngx no tưz txơưr hlo tsuôk zos muôx trâu ntơưv pêx xênhv Hmôngz xưz, uô trâu têx nênhs mnôngs nhiav, siaz kâus laik. Ndax trâu têx jâus nox yôngz, hâuk cok, nox mor blêx yiaz, txênhv tsêr yiaz, têx hnuz tsiaz …  suôz blôngx kưr đror sôngz, lâuk chuôs li muôz têx suôz trax lok côngv uô cê ntơưv tiz nênhs saik jiv têx har jôngr, haik txos tiz nênhs têx cêr chia siaz đros tox trôngz, hâur pêk, txox cêr uô nox, uô nênhx…

Nhiv no, ntu nênhx tâu jông muôx ntâu zav suôz trax điện tử, têx jax suôz trax jông lov jêv ntưk, taz sik pêx xênhv Hmôngz ntơưv jok Thẳm Hon cux tsênhv tsưx tâu, tuôr tsês thiaz lês huôv nzir suôz blôngx đros têx txux chi jông txơưr hlo ntơưv zuk hair nênhs, paz txuôs tâu tsês têx txux chi jông ntơưv pêx xênhv Hmôngz nhoz trơưr đros hnuz nhôngs, six hơưv.