Gruôv pax Đông Sửa (zos txi har jôngr muôx lênhx) thor cov tâu jông ntux nas, uô tâu kôngz lông, tu zus tsiax cxu huôv vav, tiz nênhs muôx đas jos, jêx jok tâu nox tsâu hnar sor. Ntơưv no cux zos hnuz gruôv pax thôngx siaz ntơưv pêx xênhv jok Khá.

Grâuv pax piz thâuv sơưr nzor, têx nênhs lâuk, pêx xênhv hâur jok muôx njêx muôs cxix cxuô ntơưv har jôngr lênhx hâur jok. Đros trâu suôz đruôk đror đrông ntưk, pêx xênhv hâur jok côngv luôx đrox xuz jôngr, trâur tơưk, chuz mor, tuô buô, kaiz, uô trôngx mor chia txi xênhz têz xênhz qơư tuôx uô đaz.

Shông no, jâus grâuv pax tâu kriz đros Hnuz grâuv pax txir mo môngk Yên Châu, pêx xênhv lênhx tưs cux jông siaz, shir phaz, tok nrư cov jâus grâuv pax tâu ntâu tus nênhs pâuz txos, siz chos yâu mông têx jông txux chi ntơưv nênhs Poz Ziz.  

Hâur cêr txi, muôx oz zav txi, iz zos txi xênhz têz xênhz qơư, nênhs muôx côngz tsa tơưv jêx jok thiaz iz kro txi tsưr jôngr. Têx zav muôz txi, muôx: Buô, kaiz, chơưr, cxur blâuv, blôngx pênhz laz, txir txôngz njuôz, yo ntơưv tus tsưr jôngr. Đuô li, iz ziv hâur jok gra 1 thov câux baz nhiax, 1 poz ntâuz đơưz, ntâuz liaz... chia txi. 

 Jâus grâuv pax Đông Sửa tsik zos chia pêx xênhv uô tsâus txos têx xênhz têz xênhz qơư, pox côngz zơưv txưr, tsênhv paz bôngs nzir cêr thôngx siaz tsôngv tiz nênhs, pov njôngr kror jông txux chi muôx lênhx ntơưv pêx xênhv Poz Ziz xã Sặp Vạt haik khênhx thiaz huyện Yên Châu haik tas nro./.