Jông siaz luz Yar cơưv gra bê Lênhx nênhs truôx siaz cxiv tsa têz qơưk

Têx hnuz nhiv kruôr đhâu, ntơưv Yar cơưv THPT Tô Hiệu, thành phố Sơn La, muôx ntâu zav hâux lưv choz kria cov shuv xênhz pâuz mênhx Tô Hiệu luz nênhx, xưv cxênhx cxiv tsa têz qơưk. Cxiv tsa cêr shir phaz, zôngs trơưk đồng chí Tô Hiệu, Đoàn yar cơưv lês têx hâux lưv choz kria trâu shuv xênhz. Đros Bảo tàng tỉnh tso yar trâu yax 350 tus shuv xênhz cơưv lớp 10, 11 muk hlơưr shaz ntơưv tsêr hlơưr shaz ndo txiax njis têx Anh hùng liệt sĩ Tsêr tux Sơn La; nriar cơưv têx zav haik txos liệt sĩ Tô Hiệu siv nênhx, xưv cxênhx cxiv tsa têz qơưk, muk qêz iz ndis têz qơưk thax qơư cênhz cưv Tsêr tux Sơn La.

Cưk kria Lò Thị Doan, Bí thư Đoàn yar cơưv THPT Tô Hiệu, haik: Đoàn yar cơưv tso yar siz tưr “nriar cơưv têx zav haik txos liệt sĩ Tô Hiệu siv nênhx, xưv cxênhx cxiv tsa têz qơưk” jias tiv 3, đhâu zôngv têx đuôz shuv xênhz khối 10 sâu tơưv, cơư đuôz, txiar txuôk xa trâu sâuv fanpage ntơưv yar cơưv. Đhâu ntơư, Đoàn yar cơưv tso điểm, kruôk hâur yar cơưv, tưz tâu sơưr đơưk siz tưr lov jêv ntưk hâur tsêr cơưv ntơưr thiaz tâu chôngz lênhx pâuz đhâu mạng xã hội.

Shuv xênhz Ngọc Thế Phong, cơưv lớp 10A2, Yar cơưv THPT Tô Hiệu, haik: Đhâu zok nriar cơưv thiaz cơư têx đuôz haik txos đồng chí Tô Hiệu siv nênhx thiaz xưv cxênhx cxiv tsa têz qơưk, pêz tưz pâuz mênhx đuô thâuv tâu cơưv hâur luz yar cơưv gra bê Lênhx chiến sĩ cộng sản truôx siaz. Pêz chos luk zuôr mnôngs luk, gruôs cơưv shâuv, cov thiax tsiv nhos cênhz cưv gruôs cơưv shâuv ntơưv yar cơưv.

Nthuôr huôv cênhz cưv luz yar cơưv gra bê Tô Hiệu, lênhx nênhs cxiv tsa têz qơưk, têx shông đhâu, Yar cơưv THPT Tô Hiệu tưz lês cxuô cêr siz tưr kria jông thiaz cơưv jông, thâuv tưs cux zos kror qơư shuv xênhz cxuô hair nênhs njênhs, choz kria tâu têx nênhs txơưx njê trâu tỉnh.

Cưk kria Bùi Ngọc Khánh, Hiệu trưởng Yar cơưv, haik: Yar cơưv muôx 39 cán bộ, cưk kria, 34 lớp, muôx 1.586 shuv xênhz. Shông cơưv 2022-2023, têx shuv xênhz cơưv txơưx thiaz coz ntơưv Yar cơưv txênhz 63%; tsiv txiax zuôr luôs nto 99%; 60 lưv lênhx shuv xênhz tưr tâu coz cấp tỉnh shông cơưv 2022-2023; têx shâuv xênhz tưr tas ntơưr THPT shông cơưv 2022-2023 tâu 100%. Cias hâur kỳ I, shông cơưv 2023-2024, têx shâuv xênhz cơưv txơưx thiaz coz ntơưv Yar cơưv txênhz yax 72%; tsiv txiax nto 99%.

Txuôk nzir cênhz cưv txix “Tô Hiệu txox cêr truôx siaz”

Ndo njôngr đồng chí Tô Hiệu têx đas jos, chuôz jos trâu cênhz cưv cxiv tsa têz qơưk, têx hnuz nhiv kruôr đhâu, cxuô tổ chức Đoàn - Hội - Đội tỉnh Sơn La tưz lês ntâu zav hâux lưv muôx txiax njis, fuô kria trâu fâuv hluôk.

Đồng chí Cầm Thị Huyền Trang, Bí thư Tỉnh đoàn, haik: Zôngs trơưk tsov chux pưv đồng chí Tô Hiệu, fâuv hluôk Sơn La nhiv no zuôr sir jos nthuôr huôv cênhz cưv lês hâux lưv têz qơưk, thôngx siaz – lês hâux lưv tas phênhv shuôv – uô ntêx nyuôk – tưx zênhv lês hâux lưv – nthuôr phaz nzưr, sir jos cơưv shâuv, hlôngr tsưr ziv lês cxuô zav hâux lưv. Hâur jias no, Tỉnh đoàn tưz chox car têx tổ chức đoàn cxuô cấp cơưv shâuv chai trơưk njiaz luk “Tô Hiệu txox cêr truôx siaz” đhâu ntâu zav hâux lưv, li: Cơưv chi đoàn; cơưv trơưk yênhx zav njiaz luk ntơưv têx qơư tir tsor tros thâuv ntêx, têx qơư tsês chuôz zênhx, cênhz cưv, tsêr txux chi, kror qơư sơưr đơưk cơưv shâuv; saz lax ndâux luk, haik txos chux pưv tsiv txiax ntơưv Lênhx nênhs cxiv tsa têz qơưk, liệt sĩ Tô Hiệu...

Niav lâuk Hà Thị Hiền, Bí thư Đoàn xã Chiềng Xôm, haik: Hâur luz 3 hli, Đoàn xã tưz chox têx hluôk muk shuôk têz qơưk thax qơư tir ntâuk tros Tsêr tux Sơn La, mnôngs têx nênhs chox kruô piar kria mênhx txos Tô Hiệu, pêz pâuz nzir ntâu zav lok sâuv fâuv lâuk têx đas jos trox nyar pôngz trâu luz têz qơưk. Hâur ntơư, đồng chí Tô Hiệu zos iz lênhx uô ntêx nyuôk trâu fâuv hluôs cơưv shâuv, chos luk trâu zuk tus khênhx zuôr sir jos  cơưv shâuv, sir jos cxiv tsa têz qơưk.

Txix hnuz 25/2 txos nhiv no, Tỉnh đoàn tưz lês hâux lưv “Luz 3 hli đriv têz”, zok ntu cêr “Uô tênhz tơưk pov cêr đriv têz” xav txos 40 triệu nhiax; puz mair gruk đêx thiaz qix Têz qơưk trâu Tuz lênhv đriv têz tỉnh thiaz 14 luz jok đriv têz thiaz 1 luz luôs hâux lưv “Cok đuôz trâu xuz nja” xav txos 10 triệu nhiax. Tổ chức đoàn cxuô cấp tưz tso yar lês 7 jias hâux lưv fuô kria cênhz cưv Đoàn; chox yax 500 tus hluôs muk ndis saiz têx qơư tir ntâuk tros, lês hâux lưv ndo txiax njis; tsa 1 đaiv đuôz cok, fuô kria têx qơư cênhz cưv nto mông; paz 6 kror qơư nhiv kruôr piz uô nox; krưr 144 poz nhiax paz, xav tas 90 triệu nhiax trâu têx mê nhuôv zâuk txov nhêv; kria 78 tus hluôk tsiv txiax trâu Đảng, tưz muôx 76 lênhx tâu tsa nhoz Đảng... Lar haik, hnuz xiaz 7/3/2024, Tỉnh đoàn tưz kriz hnuz grâuv pax “Mê nhuôv zâuk shir phaz, muôx txâuk đas jos - Ndê Đoàn” shông 2024, tsa 80 lênhx mê nhuôv zâuk mnôngs luk tsa trâu Đội Thiếu niên tiền phong Hồ Chí Minh thiaz zok sổ, thẻ Đoàn trâu 112 lênhx hluôs nhiv kruôr tsa yiaz ntơưv Yar cơưv THPT Tô Hiệu.

Txox cêr truôx siaz, tas siv nênhx viv xưv cxênhx cxiv tsa têz qơưk ntơưv Đảng, viv cêr thax zênhz, pêx xênhv luz nênhx yar ntux, đồng chí Tô Hiệu tưz uô ntêx nyuôs hâur têx nênhs cộng sản chia fâuv hluôs cơưv shâuv thiaz zôngs trơưk.