Ntơưv jâus uô hâux lưv, UBPX huyện Mộc Châu, huyện Vân Hồ tưz kria têx hâux lưv thêv nhiax dự án uô cêr yêz mul chinhr Hòa Bình - Mộc Châu. Txix ntơư, xav uô txox cêr yêz thax tsav nhoz trâu tỉnh Sơn La mal 31,2 caik. Hâur ntơư, đhâu huyện Vân Hồ 30 caik ntơưv xã Chiềng Yên, Mường Men thiaz Chiềng Khoa; huyện Mộc Châu mal 1,2 caik ntơưv xã Phiêng Luông. Txos nhiv no, oz huyện tưz đros đơn vị kria tsưr ziv uô txaik nhav ntâuz ntơưr njuôk xav thax tsav chia cxos ndêx txox cêr yêz; cxênhz txos iz cxia zis pêx xênhv têx chuôz tav nhoz trâu sâuv kror qơư kriz cêr. Huyện Vân Hồ tưz tsa Ban chox car yaik pêx xênhv mul nhoz qơư yiaz thiaz thêv nhiax ar; cxiv tsa ntâuz ntơưr fuô lol sâuv hâux lưv ntơưv dự án; fuô lês cêr tuôr xav 4 kror qơư nhoz yiaz ntơưv têx xã Chiềng Yên, Mường Men thiaz Chiềng Khoa, đros trâu đar txos 12 ha chia zuôr luôs 100 zis nênhs, yax 400 lênhx nênhs tsuv tâu nyaik.

Taz sik, hâur ntu fuô lês dự án, oz huyện tưz njiz iz cxia cêr phiv liv li: Uô tsik tâu tiar ntơưr njuôk xav cxok ndêx plơưr cêr; ntu cêr puôz đriv oz tỉnh Hòa Bình - Sơn La tsik tâu phênhz mênhx; côngz xưv yaik têx pêx xênhv mul nhoz đuô qơư chia lês dự án tsênhv yuôr iz cxia qơư tsik tâu fiv huv; côngz xưv cxênhz, xav gri chuôz tav tưz tuôv thênhv lês kênhz.

Muôx lul trâu jâus uô hâux lưv, đồng chí Phó Chủ tịch UBPX tỉnh cxiz UBPX oz huyện, têx sở, ngành ntơưv tỉnh đros cxênhz mênhx pêv têx zis, têx ar cêr mul đhâu, tsuv thu tror kaz chia thêv nhiax hâur thax tsav lês dự án. Tror cxiz đơn vị kria tsưr ziv zok têx ndêx, đriv têz tsênhv tsik tâu zok, chia zok trâu yênhx xã, jol côngv saiz car, por hưv. Uô tiar ntâuz ntơưr thêv nhiax ar txix li fuô kria txos trâu thu ar; uô tiar hâux lưv tsov xav têx qơư nhoz yiaz ntơưv dự án, txix li tâu px zênhv chia lês trơưk, nhav nxias qơư nhoz yiaz jông bâuv kuz jol thiaz jông yax kuz qơư. Cxiv kho Paz nênhs lês hâux lưv lol sâuv côngz xưv thêv nhiax tỉnh. Thôngz iz trôngs lul, fuô kria lol sâuv txiax njis, txox chai ntơưv dự án chia cov pêx xênhv pâuz, nzor lês tiar dự án.