Shông cơưv đhâu, yar cơưv tưz fuô lês jông côngz xưv choz kria chính trị trâu cán bộ, cưk kria, nênhs uô hâux lưv thiaz shuv xênhz. Tưz moz txos siaz côngz xưv choz kria nzir tsưr ziv côngz xưv trâu têx cưk kria. Nhiv no, yar cơưv muôx 5 phó giáo sư, 92 tiến sĩ, 228 thạc sĩ, 54 đại học, đuô li zos zav txơưr. Yar cơưv tưz lês ntov hâux lưv cxênhz yuôx têx ntâuz ntơưr; fuô lês chos luk sâu têx ntơưr hâur yar cơưv. Đros ntơư, fuô lês 14 faz tsưr ziv cấp Bộ, 58 faz tsưr ziv cấp cơ sở; têx bê ntâuz ntơưr tsar ntâu thiaz choz kria tâu jông đuô. Lês jông côngz xưv kria uô hâux lưv, kria piz uô hâux lưv trâu shuv xênhz …

Shông cơưv 2023 - 2024, yar cơưv tưz xair tâu yax 1.100 lênhx shuv xênhz tuôx cơưv. Yar cơưv tror hlôngr yiaz tsưr ziv choz kria ntơưr. Moz siaz zôngv công nghệ thông tin, hlôngr pâur số lol sâuv côngz xưv fuô mông, choz kria ntơưr thiaz cxênhz yuôx, iz thênhv jux juk fiv huv trâu hâux lưv hlôngr choz kria đại học. Sir jos lês jông côngz xưv zok nriar cxuô zav yiaz, kria nzir tsưr ziv thiaz đros oz chas têz siz khov, lês trơưk đraiv li hâux lưv huôv tsar nhiax txiax, xã hội hâur thax tsav. Tror muôz nhiax cxiv puôz, kho đuô têx tsêr, chuôz zênhx, paz muôx qơư lês hâux lưv jông jav, hur si.

Muôx luk jias no, đồng chí Nguyễn Thành Công tưz phôngv côngz thiaz kruôk têx zav yar cơưv lês tâu hâur shông cơưv đhâu. Đros ntơư, cxiz cov yar cơưv sir jos choz kria cov tâu jông đuô, lês muôx liv têx zav hlôngr yiaz, cxix cxuô. Nzaz nzơưv têx cêr paz ntơưv Bộ Choz kria ntơưr, têx bộ, ngành, trung ương thiaz ntơưv tỉnh chia lês tiar côngz xưv cán bộ ntơưv yar cơưv…

Ndax trâu jias no, Bộ Choz kria ntơưr tưz muôz ntơưr kruôk trâu 3 paz pơưs, 8 tus khênhx; UBPX tỉnh muôz ntơưr kruôk trâu 3 paz pơưs, 8 tus khênhx lês tâu jông cêr siz tưr shông cơưv 2022-2023. Hội Cxơưz paz cêr cơưv shâuv tỉnh muôz ntơưr kruôk thiaz muôz puz nhiax trâu 10 shuv xênhz njiz ntâu cêr phiv liv cơưv ntơưr coz.…