Zos xã đriv têz, Mường Hung muôx 28 jok, 2.219 toz hâu nênhs. Fuô lês têz qơưk hâux lưv cxiv tsa jêx jok yiaz, xã tưz gruô hu tâu yax 112 tiv nhiax, hâur ntơư yax 110 tiv nhiax zôngv Têz qơưk, đuô li zos pêx xênhv côngv tâu, chia cxiv puôz têx txox cêr muk lok, tsêr txux chi, tsêr cơưv ntơưr, uô kror đêx hur sir zôngv…Pêx xênhv jav yax 2.090 m² ar, côngv yax 5.600 hnuz jos chia cxiv puôz vax tsêr, cêr muk lok.

Hâur huôv tsar nhiax txiax, xã txuôs jông thiaz kriz đar 783 ha ntông nox txir cxuô zav; yax 200 ha blêx liax 2 chiv; 428 ha poz cưk; 58 ha kôngz lông.

Txos nhiv no, xã Mường Hung tưz uô tiar 19/19 tiêu chí jêx jok yiaz; 100% txox cêr muk lok hâur xã tâu lênhv truôx khor, paz pêx xênhv zôngx ziv muk lok thơưv shông; 80% txox cêr muk lok hâur jêx jok, ntâu luz jok; yax 80% liax têz chos kôngz lông muôx đêx zưs; 98% ziv nênhs tâu sir zôngv điện nhaz xênhz; 28/28 luz jok muôx tsêr txux chi chia cơưv shâuv cêr chai, nthuôr cêr lov jêv, thể thao; xav fênhx đraz iz toz hâu nênhs sâu tâu yax 45 triệu nhiax/shông. Têx yar cơưv, tsêr kho moz tâu cxưx nhiax uô zos chai. Lês tiar hâux lưv paz ziv nênhs txov nhêv uô tsêr nhoz; tsuôk zos yuôr 5,17% ziv pluôs.