Hâur ntu nhiv kruôr đhâu, tỉnh Sơn La lok nas hloz ntêr siz txuôk jưk, tưz yôngz cuôr poz cxuz thiaz nhaz ntâu thax tsav, lar haik mak têx huyện Mai Sơn, Thuận Châu thiaz thành phố Sơn La. Ntux nas nhaz cuôr tưz txiar caz, tu cêr ntâu thax tsav pêx xênhv nhoz; hiav 11 tus nênhs tuôs, plox thiaz ntâu tus trâus moz; puôk tsêr nhoz, cxuô zav thiaz pêx xênhv têx kôngz lông.

Zênhx max đros pêx xênhv kênh têx cêr txov nhêv thax tsav ntux nas hiav, Ủy ban MTTQ Việt Nam tỉnh tso luk, gruô hu têx cơ quan, đơn vị, paz pơưs, tsêr luôv, têx nênhs siaz đơưz thiaz pêx xênhv hâur zuk tỉnh, oz chas tỉnh côngv cxơưv, paz pêx xênhv thax tsav mas ntux nas hiav lok sâuv têx zav huv, paz max cxiv kho cêr uô kôngz, truôx njês ntu nênhx.

Hnuz nhôngs gruô hu, taz nhav hâur 90 hnuz, xav txix hnuz piz gruô hu. Hnuz nhôngs phaiz muk lês cias hâur hnuz nhôngs zaz zâuv, côngv cxơưv thiaz suôx câuv tov kaz 20 hnuz, xav cias hnuz suôx câuv zaz zâuv, tok nhav.

Têx nhiax paz tâu xa trâu tài khoản ntơưv Ủy ban MTTQ Việt Nam tỉnh ntơưv Tsêr nhiax Têz qơưk tỉnh Sơn La. Xav li hax huv paz, Ban Thường trực Ủy ban MTTQ Việt Nam tỉnh côngv đros Ban Zaz zâuv chơưv nênhs tỉnh thiaz têx cơ quan tâu chai cik txos, phaiz zênhx max paz têx ziv nênhs mas hiav, chok nxiak kriz lus, mênhx pêv, zos chai, zos tiz nênhs.