Côngz xưv bax cxuô tsar zav taz tov tâu Sở Txux chi, Thể thao thiaz Nuôv zax đros oz luz huyện Mộc Châu, Vân Hồ zênhx max lês. Txos nhiv no, cxuô đơn vị taz tov đhok cov tiar luz yar nthuôr txux chi, têx qar thaz nzưr piar kria têx qơư nuôv zax, nthuôr muôs hax huv OCOP; bax cxix maket yar nthuôr txux chi; muôx 250 tus nênhs nthuôr txux chi, siz chos côngv nthuôr txux chi trơưk njiaz luk “Thax qơư nuôv zax tsênhv zos ntux trâus têz xênhz jông yax hâur ntiax têz”; bax cxix têx đuôz kriz trâu sơưr đơưk saiz lok sâuv hâux lưv cxiv tsa thiaz huôv tsar ntơưv Têz qơưk thax qơư nuôv zax Mộc Châu; đros Ban xa đuôz hair nênhs tsơưs (VTV5) Đài Xa đuôz Việt Nam cxênhz têx qơư tưr yêz câux vaz Việt Nam; đros iz cxia tsêr luôv, báo chí, xa đuôz chơư paz nênhs FAM cxênhz yuôx, kria cxiv tsa tour nuôv zax chuyên đề.

Jias côngk nhav Têz qơưk thax qơư nuôv zax Mộc Châu zuôr kriz trâu hnuz 18/5 ntơưv Yar tiax lox 8/5, Trung tâm Hành chính huyện Mộc Châu. Hâur ntơư, txix hnuz 17-19/5, zuôr  tso yar nthuôr ntâu zav txux chi, thể thao, cxơưz hâux lưv nuôv zax.