Đồng chí Nguyễn Thành Công tưz uô tsâus ntâu txos tổ chức CARE tưz moz siaz paz trâu tỉnh Sơn La. Đồng chí tưz kria trâu paz côngz xưv pâuz lok sâuv hâux lưv huôv tsar nhiax txiax - xã hội ntơưv tỉnh, têx kror xênhz txơưv, muôx liv thiaz cxuô hâux lưv zov chênhr, xair lês uô ntêx, tsưr ziv huôv tsar nhiax txiax, xã hội ntơưv tỉnh Sơn La trâu ntu zuôr txos. Tỉnh Sơn La xar cov Tổ chức CARE moz siaz paz trâu tỉnh lok sâuv: Cxiv tsa têx dự án uô tsêr máy tênhz đêx zâu trâu thax tsav hair nênhs tsơưs txov nhêv, paz cxuô hâux lưv huôv tsar kôngz lông; cxiv kho vax ntông nox txir, cà phê Arabica tir tâuk đêx ar huôz chuô txơưr txar, hloz jông sâu nju, muôx gri: paz trâu pox niav hair nênhs tsơưs cxiv tsa têx huv OCOP txuôs jông txux chi; paz tsưr ziv huôv tsar kôngz lông…

Đồng chí Phó Chủ tịch UBPX tỉnh haik mênhx: Sơn La zos iz hâur têx tỉnh uô ntêx lông hâur cxiv tsa hâux lưv chos, por hưv, saiz car jôngr, xar cov Tổ chức CARE paz tsov xav chia hâux lưv chos, por hưv, saiz car jôngr sâu nju nhiax txiax, txix ntơư muôx pênhr paz trâu pêx xênhv thax tsav hair nênhs tsơưs. Sơn La cux zos thax tsav mas ntux hiav ntâu, xar cov tổ chức CARE siz chos tsov xav, cxênhz yuôx cxiv tsa Dự án sir jos paz pêx xênhv pâuz têx thax tsav zôngx ziv mas ntux hiav; xav tơưv têx tsưr ziv tir tar, đơưk têx cêr chor nhov tiv ntux hiav; paz pêx xênhv nhoz thax tsav mas ruôr hiav hla đhâu cêr txov nhêv nzor cxiv tsa luz nênhx truôx njês…

Hlôngr njêx muôs paz côngz xưv Tổ chức CARE Ntiax têz nhoz Việt Nam, zơưs Musa Muhammad tưz uô tỉnh Sơn La tsâus ntâu viv uô jông taz paz côngz xưv. Đros ntơư, tsênhv kria pâuz têx kror tsuv paz uô ntêx ntơưv Tổ chức CARE trâu ntu zuôr txos, zov chênhr mak têx hâux lưv por hưv pox niav txir nênhx vax huôv siz luôs, paz uô ntêx trâu pox niav jêx jok; txo grêk tsơưs têx txuz đêx ar huôz chuô txơưr txar ruôr hiav hur si ntiax têz, lar haik txo grêk tsơưs têx pa cacbon; paz uô ntêx trâu tsôngv hluôk nênhs muôx luz nênhx txov nhêv; têx nênhs mas ntux hiav hla đhâu cêr phiv liv. Ntơưv iz cxia kror qơư txơưr, Tổ chức tsênhv paz cxur nox, đêx hur sir zôngv, njuôk kho moz, hla đhâu cêr phiv liv hâur luz nênhx.

Zơưs Musa Muhammad tưz kruôk tsưr ziv huôv tsar ntơưv tỉnh, nhav nxiak ntơư zos kror zov chênhr, paz siz chos fuô lês têx dự án muôx kaz hâu. Tổ chức CARE xar tỉnh côngv siz chos uô, gruô hu tiz nênhs, nhiax txiax fuô lês têx dự án ntơưv tỉnh Sơn La trâu ntu zuôr txos.

Ntơưv jias taz, thơưx car tỉnh Sơn La tưz chos luk paz cov tâu cêr chai; bax têx nênhs paz trâu tổ chức fuô lês hâux lưv muôx kaz hâu. Zok têx sở, ngành, đros Tổ chức CARE trơưk ngành, hâux lưv saz lax, thôngx iz trôngk luk hâur têx cxênhx cxênhv siz chos uô, cxơưz vax huôv ntơưv Tổ chức CARE paz trâu tỉnh Sơn La, trơưk li cêr chai tso tơưv.