Jâus no muôx đồng chí Vương Đình Huệ, Ủy viên Bộ Chính trị, Chủ tịch Quốc hội; thơưx car têx bộ, ban, ngành Trung ương. Côngv trâu jâus kriz uô tiar, tỉnh pêz muôx têx đồng chí: Nguyễn Hữu Đông, Ủy viên Ban chấp hành Trung ương Đảng, Bí thư Tỉnh ủy, Thơưx paz đại biểu Quốc hội tỉnh; Lò Minh Hùng, Phó Bí thư Thường trực Tỉnh ủy; têx đồng chí hâur Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam tỉnh; thơưx car iz cxia huyện ntơưv tỉnh.

Tsêr mair luôv tơưr cà phê Sơn La zos Công ty cổ phần kra jov cà phê Sơn La muôz nhiax cxiv puôz trâu ntơưv jol Thống Nhất, xã Mường Bon, huyện Mai Sơn, xav luôv tơưr tâu 50.000 tấn txir nhôngk/shông; muôx mair luôv tơưr tsik tas ntâu đêx nzuôr thiaz mair luôv kruôr tsik pâus pa nqo.

Thax qơư cxiv puôz tsêr mair tâu muôz nhiax uô đar zuôr luôs 4,1 ha, muôx têx qơư: Tsêr luôv tơưr, tsêr tsês têx hax huv uô tâu, tsêr vak jiaz cà phê, tsêr uô hâux lưv, qar cxênhz hax huv, tsêr saiz car qơư liv đêx nzuôr, qơư liv đêx kiak nênhs, yar tiax jiaz cà phê, cêr yêz mul lol, ntông njuôz thiaz têx qơư txơưr paz txos; qơư liv đêx nzuôr tâu 500 thiar xưv phaz xưv mênhx/hnuz, hmo đêx đhâu liv txâuk chai têz qơưk lol sâuv đêx sir zôngv… Lar haik, đros trâu têx chuôz zênhx uô hâux lưv tsik tu, hur si têx tơưr cà phê thiaz cxuô zav khâuz tâu zôngv uô qir tso hữu cơ ntơưv Tsêr mair qir tso Sông Lam Tây Bắc.

Uô tiar muôz lol uô hâux lưv zuôr paz trâu yax 100 lênhx nênhs, phênhv ntâu zos pêx xênhv hâur thax tsav muôx hâux lưv uô. Đros ntơư, siz khov đros têx tsêr luôv, HTX, têx tổ hợp tác, zis nênhs lês jông hâux lưv huôv tsar cà phê truôx njês txâuk chai công nhav 4C, RA, Organic thiaz txâuk chai jov cà phê tsik hiav txos har jôngr (EUDR), uô tơưv têx hax huv cà phê jông txâuk muôs hâur têz qơưk thiaz oz chas têz qơưk.

Muôx lul trâu jâus Kriz txiaz ntâuz uô tiar tsêr mair, đồng chí Lò Minh Hùng, Phó Bí thư Thường trực Tỉnh ủy, tưz haik: Nhiv no, tỉnh Sơn La muôx yax 20.000 ha cà phê, xav fênhx đraz iz shông sâu tâu yax 200.000 tấn. Cà phê tưz yênhx iz zav chos paz trâu yênhx zis muôx hâux lưv uô thiaz sâu nju nhiax truôx njês ntơưv iz cxia huyện, thành phố hâur thax tsav tâu tỉnh njuôk xav chos cà phê.

Đồng chí Phó Bí thư Thường trực Tỉnh ủy, kruôk têx hâux lưv Công ty cổ phần luôv tơưr cà phê Sơn La muôz nhiax cxiv tsa tsêr mair luôv tơưr cà phê zos chuôz zênhx yiaz, jông siz xưk, uô hâux lưv tsik tu tsik nqo pa kiak nênhs, paz iz phênhv tưs txo grik tsơưs têx cêr ruôr hiav, cêr phiv liv hâur ntu huôv tsar chos cà phê ntơưv tỉnh; đros ntơư muôs tâu gri trâu hâur têz qơưk thiaz oz chas têz qơưk, yênhx hax huv ntơưv tỉnh, paz trâu pêx xênhv muôx hâux lưv uô thiaz sâu nju nhiax, cxơưz côngz bê cà phê Arabica Sơn La trâu cêr luôv hâur ntiax têz.