Côngv jias njiz njêx muôs muôx đồng chí: Nguyễn Hữu Đông, Ủy viên Ban Chấp hành Trung ương Đảng, Bí thư Tỉnh ủy, Thơưx paz đại biểu Quốc hội tỉnh; Lò Minh Hùng, Phó Bí thư Thường trực Tỉnh ủy; Hoàng Quốc Khánh, Phó Bí thư Tỉnh ủy, Chủ tịch UBPX tỉnh; têx đồng chí kuz Ủy viên Ban Chấp hành Trung ương Đảng, kuz Bí thư Tỉnh ủy Sơn La đhâu cxuô ntu; têx đồng chí hâur Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; têx hội viên, hlôngr njêx muôs têx hội viên zis nênhs hâur Ban Thôngz xor cán bộ Sơn La ntơưv Hà Nội.

Ntơưv jias njiz njêx muôs, têx đại biểu tưz tâu kria iz cxia hâux lưv lês tâu lok sâuv chính trị, nhiax txiax, xã hội, por hưv cêr nox nhoz njias to thax tsav tỉnh thiaz đros oz chas têz siz khov shông 2023. Trơưk ntơư, shông 2023, Đảng bộ, nov hâu thiaz pêx xênhv cxuô hair nênhs hâur tỉnh tưz nthuôr huôv cêr thôngx siaz, lês tâu ntâu hâux lưv zov chênhr trâu cxuô zav. Hur si têx hax huv ntơưv tỉnh tsar siaz đuô njuôk li shông 2022. Sâu nhiax têz qơưk hâur thax tsav tâu yax 4.290 tỷ đaiv, tâu 101% tuôr xav Trung ương zok. Uô kôngz lông, chos jôngr, tu zus tsiax đêx tror huôv tsar, zos kror zov chênhr paz trâu tỉnh huôv tsar. Hur si têx qơư chos kôngz txir nox thiaz tuôz ziz tâu 84.160 ha, đê tâu yax 455.000 tấn, tsar 25,6% njuôk li chaix no tsaiz no.

Têx hâux lưv muôs hax huv tâu moz siaz txos; hax huv muôs muk trâu oz chas têz tâu 186,8 triệu nhiax đô la. Saz txux chi, xã hội lês tâu ntâu zav jông, hâux lưv txux chi, nuôv zax muôx ntâu zav lês tâu jông. Hur si têx kruô nuôv zax tuôx trâu Sơn La xav tâu 4,5 triệu pưs kruô, tsar 41% njuôk li chaix no, sâu tâu 4.700 tỷ đaiv, tsar 58,2% njuôk li chaix no tsaiz no. Qơư nuôv zax Têz qơưk Mộc Châu jias tiv oz tâu kruôk zos Qơư tâu chôngz kruô nuôv zax nhiav tuôx tiv iz Châu Á thiaz Ntiax têz.

Hâux lưv por hưv chính trị, por hưv cêr nox nhoz njias to xã hội, đriv têz tâu por hưv truôx njês. Côngz xưv cxiv tsa Đảng, cxiv kho ndêx ntus chính trị tâu moz siaz txos; tsưx truôx thiaz huôv tsar đros oz chas têz siz khov, yax hlo mal cêr siz khov đros têx tỉnh kâuv têz qơưk Lok Tsuôk…

Hlôngr njêx muôs Ban Thôngz xor cán bộ Sơn La ntơưv Hà Nội tưz kria pâuz têx hâux lưv lês hâur Ban trâu shông 2023. Têx đại tưz jông siaz tâu têx đồng chí thơưx car tỉnh, cxuô cấp, cxuô ngành ntơưv tỉnh moz siaz txos; jông siaz txix li têx zav lês tâu jông ntơưv tỉnh, yax hlo zos hâux lưv uô kôngz lông sir zôngv tsưr ziv yiaz, kôngz lông hữu cơ; kriz yênhx côngz Jias grâuv pax Cà phê Arabica jias tiv iz shông 2023; nthuôr huôv jông têx zav muôx txơưv thax tsav tỉnh lol sâuv huôv tsar nhiax txiax, gruô hu têx dự án muôz nhiax lês hâux lưv ntơưv tỉnh... Đros ntơư, xar cov tỉnh Sơn La tror tsưx truôx thiaz nthuôr huôv jông cêr thôngx siaz, thôngz iz trôngs luk hlôngr yiaz lês hâux lưv chia cov lês tiar têx hâux lưv trâu shông 2024, cxơưz paz lês tiar têx hâux lưv tưz tuôr xav.

Muôx luk ntơưv jias njiz njêx muôs, đồng chí Nguyễn Hữu Đông kria trâu têx đại biểu têx hâux lưv tỉnh Sơn La zuôr lês hâur shông 2024. Đồng chí tưz uô tsâus txos kror moz siaz, cxơưz paz tỉnh ntơưv têx đồng chí hâur Ban Thôngz xor cán bộ Sơn La ntơưv Hà Nội hâur ntu đhâu, muôx luk phôngv côngz txos têx đồng chí hâur Ban Thôngz xor cán bộ Sơn La ntơưv Hà Nội thiaz zis nênhs ndax hâu shông yiaz. Đros ntơư, xar cov têx đồng chí hâur Ban Thôngz xor tror nthuôr huôv jông cênhz cưv thôngx siaz, muôx phênhv shuôv, côngv đas jos, côngv siaz, cxơưz paz tỉnh lês tiar têx hâux lưv shông 2024, moz siaz lês tiar cêr tuôr xav "Cxiv tsa tỉnh Sơn La huôv tsar njuôz, sai thiaz truôx njês" li Nghị quyết Đại hội Đảng bộ tỉnh jias tiv 15 tưz tso tơưv.