Sơn La zos thax tsav chos ntâu cà phê Arabica yax hâur hur si têz qơưk, muôx yax 20.000 ha, hâur ntơư yax 18.000 ha tâu puz ntơưr công nhav truôx njês thiaz cux ziv zav li. Tưz cxiv tsa iz cxia kror qơư siz chos huôv tsar, tsưx jông thiaz uô luôv kôngz lông sir zôngv chuôz zênhx jông, iz phênhv tưs paz tâu zênhx max hâux lưv huôv tsar, uô luôv trâu oz chas têz qơưk. Huv cà phê Sơn La tưz tâu muôs trâu 20 luz têz qơưk hâur EU, Bắc Mỹ, Trung Đông thiaz têx têz qơưk ASEAN, đros trâu gri nhiax truôx njês, paz nênhs chos cà phê sâu nju nhiax txiax, muôx hâux lưv uô tsik tsês, tuôr xav tror huôv tsar cà phê muôx gri ntơưv Sơn La, tưz tâu tiz nênhs hâur têz qơưk thiaz oz chas têz kruôk nxiak.

Txix hnuz 20 tas hnuz 23/10, tỉnh Sơn La tưz kriz Grâuv pax Cà phê Sơn La jâus tiv iz shông 2023, đros trâu uô tâu ntâu hâux lưv muôx txiax njis zov chênhr. Tỉnh tưz tok tâu đồng chí Vương Đình Huệ, Ủy viên Bộ Chính trị, Chủ tịch Quốc hội têz qơưk Cộng hoà XHCN Việt Nam đros têx đồng chí Ủy viên Trung ương Đảng, thơưx car têx Ban, Bộ, ngành Trung ương tuôx txuv, chox car, cxơưz jos thiaz kruôk trâu têx hâux lưv uô tâu hâur jias grâuv pax.

Txuôk nzir yênhx côngz Grâuv pax Cà phê Sơn La jâus tiv iz shông 2023, têx đồng chí thơưx car, cán bộ thiaz pêx xênhv hâur tỉnh xar cov cxiv tsa Cà phê Arabica Sơn La zênhv hnuz zênhv tsư ha, tưz tâu Văn phòng Quốc hội zênhv trâu tỉnh đo cuô cà phê trâu sơưr đơưk hâuk thiaz nthuôr muôs, kria têx hax huv cà phê Arabica Sơn La hâur Jias cơưv tiv 6, Quốc hội khóa XV.

Tỉnh tưz bax têx hax huv cà phê jông, uô ntêx lông, hnaz ntiv jông gâux chia kria thiaz muôz lok hâuk. Ntơư zos jias tỉnh Sơn La kria cà phê Arabica Sơn La kaz, tsư ha txos têx đồng chí thơưx car Đảng, Têz qơưk, têx đại biểu thiaz kruô tâu chơư ntơưv Quốc hội pâuz thiaz hâuk, chia kruôk, cơưv shâuv tsưr ziv chos, tu thiaz uô luôv cà phê Sơn La. Đhâu no, cxơưz pênhr xưv cà phê Sơn La kror muôx gri, qơư sơưr; paz Cà phê Sơn La tsik tsês huôv tsar đêz đar hâur têz qơưk, thax tsav thiaz ntiax têz.