Trơưk cxênhz ntơưv huyện Mộc Châu, tiv coz nas chuô đax số 3, lok nas hloz đros chuô blơưv, hiav 517 ziv nênhs, hâur ntơư muôx 9 luz tsêr vâu; 25 luz tsêr tsuv txar zênhx max; hiav puôk jê 500 ha kôngz lông; iz cxia cêr yêz poz cxuz thiaz đêx nas nhaz... Xav hur si puôk lơưv 20 tiv đaiv nhiax. Cias ntơưv xã Chiềng Sơn muôx 64 ziv mas hiav, hâur ntơư muôx 4 luz tsêr vâu; hiav puôk 13 ha kôngz lông… Đros cêr xav “4 cias ntơưv qơư”, huyện Mộc Châu tưz chox car, gruô hu têx tiz nênhs, yêz kho đơưk têx zav ntux nas hiav. Tov kaz ntux nas chuô blơưv, tưz muk cxênhz yuôx têx puôk tsuôx zuk thax tsav, taix khov tsưr ziv paz pêx xênhv cov zênhx max, fiv huv, zos chai.

Đồng chí Thứ trưởng tưz đros kênh têx cêr txov, cxơưz jos txos têx ziv nênhs mas hiav tiv coz nas chuô đax số 3 njơưx ruôr; kruôk txos cêr sir jos ntơưv huyện Mộc Châu hâur cêr fuô lês têx hâux lưv zok nriar chơưv nênhs, huôk chuôz tav thiaz kho đơưk têx zav ntux nas hiav yưv. Đros ntơư, cxiz cov huyện Mộc Châu tsik tsês chox car, paz pêx xênhv kho đuô cêr uô kôngz, truôx njês ntu nênhx nhoz, tu saiz têx ziv nênhs tâu chai paz thiaz nhuôv zâuk muôx cêr txov nhêv.

Ndax jâus no, paz côngz xưv tưz paz 5 ziv nênhs vax tsêr vâu, puôk tsuôx tas thax tsav huyện iz ziv 40 triệu đaiv nhiax;  paz 10 ziv nênhs vax  tsê txov nhêv mas ntux nas hiav thiaz 14 tus nhuôv zâuk vax tsê txov nhêv thax tsav huyện, iz poz huv xav gri nto 1 triệu đaiv nhiax.