Cêr grâuv pax cà phê Sơn La jias tiv iz shông 2023 zuôr kriz hâur luz 10 hli muôx phênhv fuô txos têx hax huv thiaz phênhv cêr lov jêv tso yar ntâu zav, li: Ciaz nthuôr muôs “Cà phê Sơn La"; Saz lax chia cxơưz cà phê Sơn La jông; kriz cơưv chia cêr siz khov muôs têx hax huv cà phê; pir txưr têx đuôz zênhx zav Cà phê Sơn La jông gâux. Đros ntơư, cux zuôr tso yar têx zav, li: Zok têx dự án tưz tâu cxưx nhiax uô tiar lok zôngv paz max cà phê; tuz kôngz siz tưr txơưx chos cà phê; hmo Gala cà phê; kriz têx tour nuôv zax ndis uô si, saiz tour nuôv zax cà phê...

Têx đại biểu tưz saz lax, côngv ndâux luk trâu jias grâuv pax, têx ntâuz ntơưr lês yênhx zav hâux lưv; côngz xưv tsưx hưv cêr nhaz xênhz, phax tar moz, tsưx hưv cxuô kar nox cov hur…

Ntơưv jias cơưv, đồng chí Nguyễn Thành Công haik mênhx: Cêr grâuv pax cà phê Sơn La jias tiv iz tâu tso yar chia yaz côngz bê lax luôv cà phê Sơn La; zos jias chia tỉnh Sơn La piar kria têx zav zuk muôx; gruô hu tuz luôv muôz nhiax tuôx huôv tsar cêr lax luôv, tu cà phê thiaz cxuô zav kôngz lông txơưr ntơưv tỉnh. Đồng chí cxiz têx thành viên Ban kriz cêr grâuv pax cov tsi njênhk têx tsưr ziv tuôr xav, uô cov tiar cxuô zav, trơưk đraiv phênhv shuôv tâu zok, saz lax chia tso yar lês cxuô zav hâux lưv jông, muôx txiax njis, tsik tuôr xuôv thiaz nhaz xênhz. Zok trâu Sở Txux chi, Thể thao thiaz Nuôv zax sâu cov cxix cxuô têx ndâux lul saz lax; đros thành phố Sơn La siz chos lês cxuô zav hâux lưv jông, por hưv cêr nhaz xênhz.