Zơưs Hà Ngọc Chung, Giám đốc Sở Cxiv puôz, thav pâuz: Sở đros trâu UBPX têx huyện, thành phố fuô lês cxênhz yuôx, cok xav, kho đuô njuôk tsov cxiv puôz thax tsav, njuôk tsov cxiv tsa têx thax tsav trơưk cêr chai ntơưv tỉnh chia gruô hu cxiv tsa, huôv tsar têx zav zuk đêx ar muôx txơưv, jông lês ntơưv tỉnh lok sâuv ntux trâus têz xênhz, txux chi, uô kôngz lông, huôv tsar nuôv zax, huôv tsar công nghiệp jov tsưx tsês kôngz, txir nox sir zôngv chuôz zênhx jông. Cxênhz yuôx, kho đuô, cok xav yiaz, cxaz nzir têx njuôk tsov phaiz thax tsav, njuôk tsov mênhx pêv trơưk cêr njuôk tsov hur si tưz tâu tso chai, paz max yôngv siaz tiv tsôngv xav hur si têx cêr tuôr xav, chuôz jos chia lês jông côngz xưv huôv tsar đrôngs jông; yax hlo mak côngz xưv saiz car cxiv tsa, xav uô têx vax tsê ntơưv têx thax tsav taz tov huôv tsar yênhx đrôngs jông hov 5 tror sâuv.

Zos đrôngs nhiax txiax - chính trị ntơưv tỉnh, mênhx mov thành phố Sơn La pov njôngr zênhv hnuz zênhv hlôngr pâur. Têx đrôngs jông hlôngr yiaz sai; têx hâux lưv, dự án tâu njuôk tsov cxiv tsa siz luôs jok, chuôz jos cxiv tsa thax tsav đrôngs jông ntơưv Thành phố. Hâur ntơư, tsuv thav txos Yar tiax lox Tây Bắc, têx dự án đrôngs yiaz tâus ntus đêx Nặm La, cêr Võ Nguyên Giáp... Đros trâu ntơư zos têx qơư lês txux chi tâu saiz hloz kho đuô, bôngs nzir, li: Qơư txuôs tsês cêr cxiv tsa têz qơưk txơưr hlo Tsêr tux Sơn La, Thax txi huôz taik Lê Thái Tông, tsêr mnov Trúc Lâm Rặng Tếch,… uô tơưv đuôz zênhx zav Thành phố cê jông, cê pov têx txux chi, cêr uô têz qơưk.

Sở Cxiv puôz tưz đros têx đơn vị uô tiar côngz xưv cxênhz yuôx, kho đuô 4  đrôngs jông, li: Đrôngs thị Mộc Châu; thị trấn Phù Yên, huyện Phù Yên; thị trấn Quỳnh Nhai, huyện Quỳnh Nhai thiaz thị trấn Yên Châu, huyện Yên Châu; cxaz trâu hur si têx đrôngs tâu cxênhz yuôx, kho đuô hâur ntu 2021-2025 ndê txos 8/8 đrôngs. Txos nhiv no, têx thax tsav tâu njuôk tsov lol sâuv thax tsav đrôngs tas nro tỉnh tâu tso chai lês tâu 33%, xav thành phố Sơn La tâu 40%.

Têx kiz tâu njuôk tsov chok nxiak zos chai thiaz muôx kror uô tâu, fiv huv cêr tuôr xav, njuôk xav huôv tsar nhiax txiax-xã hội hâur thax tsav. Kror no pov njôngr trâu hâur cêr njuôk tsov đrôngs nhiv no ntơưv têx huyện, li njuôk tsov hur si đrôngs Vân Hồ thiaz Mộc Châu, đros têx thax tsav phaiz mênhx lok sâuv lax luôv- uô nox hâuk, nuôv zax, uô kôngz lông sir zôngv jông chuôz zênhx, thax tsav tox trôngz hâur pêk... Njuôk tsov thị trấn Quỳnh Nhai đros trâu huôv tsar nuôv zax thax tsav pak đêx lox. Nhiv no, Thax tsav nuôv zax txux chi cêr txi đaz huyện Quỳnh Nhai taz tov uô tiar, siz khov thax tsav tsov xav tsa yênhx thị trấn ntơưv huyện, têx thax tsav nuôv zax ntu pak đêx lox.

Đros trâu tuôr xav, côngz xưv saiz car cxiv tsa, saiz car têx vax tsê cux tâu moz siaz, uô tâu têx hâux lưv lox hloz trâu côngz xưv huôv tsar đrôngs jông, têx thax tsav. Nhiv no, thax tsav tỉnh muôx 16 dự án tsêr nhoz uô lax luôv, thax tsav đrôngs taz tov tâu fuô lês, zov chênhr nhoz trâu thax tsav Thành phố thiaz huyện Mộc Châu thiaz Mai Sơn. Đuô li, huyện Mộc Châu, Vân Hồ yuôr têx dự án nhoz trâu hâux lưv phaiz têx tsêr nhoz thiaz ar uô tsêr so txuôs jos, nuôv zax, nox hâuk, uô si lov jêv.

Têx dự án tâu njuôk tsov thiaz cxiv tsa puôz fiv huv cêr huôv tsar nhiax txiax - xã hội, kriz lês fiv huv đêx ar txơưv zênhx ntơưv yênhx thax tsav, paz max gruô hu tâu têx nhiax txiax đas jos cxiv tsa huôv tsar cxuô tsar zav jông trơưk tsưr ziv thiaz ntâu faz cêr txơưr; tsov xav, cxiv puôz đrôngs jông tỉnh Sơn La fiv huv, vav mênhx, muôx cxuô zav chas txux.