Huôv nzir cênhz cưv thôngx siaz, đros cêr xav siz hluz siz paz, côngv cêr xar, siz kênh cêr phiv liv chia paz pêx xênhv mas ruôr hiav tiv coz nas hloz đêx nhaz, jâus gruô hu, Ban Zaz zâuv paz chơưv nênhs Thành phố nhav tâu zuôr luôs 60 triệu đaiv nhiax zos cán bộ, công chức, viên chức, nênhs uô nuv côngv cxơưv paz. Tas nro têx nhiax côngv cxơưv zuôr tâu gruôv trâu Uỷ ban MTTQ Việt Nam Thành phố chia paz têx ziv pêx xênhv mas ruôr hiav hâur coz nas hloz nhaz nhiv kruôr đhâu.

Tiv coz chuô shơư nas số 2 hiav, đhâu cxênhz tsik tâu cxuô, Thành phố muôx jê 1.000 luz tsêr poz cxuz, đêx nhaz; puôk tsuôx thiaz đêx nhaz yax 525 ha kôngz, txir chos, yax 5.840 tus tsiax cxu tuôs, đêx yôngz; 54 ha pak njêk puôk tsuôx, ntâu thax tsav ar poz cxuz saz, xav hur si puôk tas yax 98 tỷ nhiax.

Ban Zaz zâuv paz chơưv nênhs Thành phố gruô hu cán bộ, công chức, viên chức, nênhs uô nuv, lực lượng vũ trang thiaz pêx xênhv; têx cơ quan, đơn vị, paz pơưs, tsêr luôv, têx nênhs siaz đơưz siz chos kênh cêr phiv liv, paz txos têx ziv nênhs mas hiav tiv coz nas hloz cuôr, nhaz nhiv kruôr đhâu, paz têx ziv nênhs đơưk cêr phiv liv chia tror uô kôngz lông, truôx njês ntu nênhx.

Cxuô cêr paz ntơưv têx paz pơưs, tus khênhx zos nhiax txiax gruôv trâu Ban  Zaz zâuv paz chơưv nênhs Thành phố, trơưk kror qơư: Uỷ ban MTTQ Việt Nam Thành phố Sơn La; Tài khoản:  3571.0.1038986 ntơưv Tsêr nhiax Têz qơưk tỉnh Sơn La.

Lok sâuv hax huv (chuôz tav, kar nox khênhr sir), gruôv trâu cơ quan Uỷ ban MTTQ Việt Nam Thành phố Sơn La. Qơư txaik: Yôngx 4, Tsêr côngz xưv Thành uỷ, HĐPX, UBPX, Uỷ ban MTTQ Việt Nam Thành phố thiaz têx đơn vị ntơưv thành phố, số 89, cêr Lê Thái Tông, thành phố Sơn La.

Têx nhiax, hax huv zos têx paz pơưs, tus khênhx côngv tâu fuô kriz lus trâu ntu fuô mông điện tử Thành phố: https://thanhpho.sonla.gov,vn.