Hồng Ngài zos xã tox siaz, muôx 6 luz jok, 832 ziv nênhs, yax 4.000 toz hâu nênhs, yax 80% zos Hmôngz. Têx shông đhâu, cêr sik tưr hur si pêx xênhv côngv por hưv Têz qơưk nhoz njias to hâur thax tsav xã tưz tâu fuô lês jông, gruô hu kror jông siaz đros uô ntơưv pêx xênhv hâur fuô lês têx tsưr ziv tưx saiz car, tưx chênhz phax, tưx por hưv, tưx tu plâuz; zaz zâuv, gruô hu pêx xênhv uô nênhx tsiv txiax zos li Đảng, têz qơưk cêr chai tso tơưv.

Fuô luk hnuz grâuv pax, đồng chí Cuôv Xênhv Tsaz, Ủy viên Ban Thường vụ Tỉnh ủy, Phó Chủ tịch HĐPX tỉnh cxiz cov cấp ủy, nov hâu huyện Bắc Yên saiz hloz côngz xưv cxiv tsa Đảng, cxiv tsa nov hâu, cxiv tsa Công an pêx xênhv, têx nênhs por hưv qơư nhoz njias to, đơưz hur truôx njês. Têx ban, ngành, đoàn thể huyện đros têx Công an fuô lês ntov nti têx nghị quyết liên tịch lok sâuv tir, tar nênhs cxâuv; hlôngr yiaz cxênhx cxênhv, tsưr ziv cxiv tsa Cêr sik tưr “Hur si pêx xênhv côngv por hưv Têz qơưk nhoz njias to” nhav nxiak fiv huv thax tsav…

Cux zos hnuz ntơư, huyện Sông Mã tâu xair kriz Đại hội uô ntêx hur si pêx xênhv côngv por hưv njês Têz qơưk nhoz njias to chia sơưr đơưk cơưv shâuv ntơưv xã Chiềng Khoong. 

Ntu đhâu, cêr sik tưr Hur si pêx xênhv côngv por hưv Têz qơưk nhoz njias to hâur huyện tưz paz por hưv thax tsav nhaz xênhz. Txix hâu shông txos nhiv no, têx cơ quan chuyên môn hâur huyện tưz kriz 69 jias fuô kria trâu yax 8.300 tus nênhs mnôngs. Cxiv tsa tâu 2.050 paz têx ziv nênhs tưx saiz car, 317 tổ an ninh pêx xênhv, 317 paz nênhs tir tar tuô hluôr tơưk cuz, 317 paz nênhs tu plâuz; txuôs jông 14 xã tâu côngz por hưv thax tsav nhoz njias to.

Fuô luk hnuz grâuv pax, đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh chox car huyện Sông Mã tror por hưv pêx xênhv luz nênhx tâu jông; zaz zâuv, gruô hu pêx xênhv lês jông côngz xưv saiz car, choz kria tuz nxaik hluôk uô nênhx tsik cxâuv chai. Tror cxơưz pêx xênhv qơư sơưr lol sâuv phax tar, pov, pênhr têx nênhs cxâuv; moz siaz fuô lês cêr sik tưr hur si pêx xênhv côngv por hưv Têz qơưk nhoz njias to.

Hnuz grâuv pax tsênhv nthuôr txux chi thiaz siz tưr iz cxia têx cêr uô si pêx xênhv tênhx tus li Truz hluô, tuô hnênhr thôngx siaz lov jêv ntưk.

Hnuz xiaz 8/8, thành phố Sơn La tưz kriz Hnuz grâuv pax hur si pêx xênhv côngv por hưv Têz qơưk nhoz njias to shông 2024 ntơưv xã Chiềng Ngần. Txuv hnuz grâuv pax, muôx đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh, Thơưx ban Chox car tir tar têx nênhs cxâuv, cêr fênhv hâur luz nênhx thiaz cxiv tsa Cêr sik tưr hur si pêx xênhv côngv por hưv Têz qơưk nhoz njias to tỉnh.

Têx shông đhâu, Cêr sik tưr “Hur si pêx xênhv côngv por hưv Têz qơưk nhoz njias to” hâur thax tsav Thành phố tâu fuô lês, huôv tsar đêz đar trâu cxuô kror qơư, gruô hu chôngz lênhx côngv đros uô. Txos nhiv no, Thành phố tưz cxiv tsa tâu 55 tổ an ninh pêx xênhv, 139 paz nênhs por hưv qơư nhoz njias to, 139 paz nênhs tuz plâuz, 1.260 paz têx ziv nênhs tưx saiz car. Txuôs jông, kriz đar têx tsưr ziv Zalo - Camera an ninh; “Paz công nhân por hưv đêx ar huôz chuô njuôz hur, tưx saiz car lok sâuv cêr njias to”; “Ciaz lês uô ntêx lông lok sâuv tir tar tuô hluôr tơưk cuz nhaz xênhz thiaz paz chơưv tiz nênhs”; 35 Thax tsav muôx pêx xênhv nhoz chôngz txơưx tir tar tuô hluôr tơưk cuz nhaz xênhz; 7 paz zos têx ziv nênhs tir tar tuô hluôr tơưk cuz nhaz xênhz; 44 kror qơư ntiv đêx tuô hluôr tơưk cuz jêx jok.

Fuô luk chox car hnuz grâuv pax, đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh cxiz cov Thành ủy, UBPX Thành phố moz siaz cxiv tsa Đảng, cxiv tsa nov hâu, cxiv tsa têx Công an pêx xênhv, têx nênhs por hưv qơư nhoz njias to đơưz hur truôx njês. Têx Công an tsik so tir tar, cxov têx nênhs cxâuv, tu tiar têx txuz plâuz cik txos ruôr hiav cêr nox nhoz njias to, tsik chia pov yưv “Cêr cuz nxor”. Têx ban, ngành, đoàn thể cxuô cấp tror đros têx Công an fuô lês ntov nti têx nghị quyết liên tịch lok sâuv tir, tar têx nênhs cxâuv, cêr fêv hâur luz nênhx, lar haik, hâur cxiv tsa Cêr sik tưr “Hur si pêx xênhv côngv por hưv Têz qơưk nhoz nox njias to”.

Ndax jias no, Bộ Công an tưz công nhav "Công an phường uô ntêx lông" trâu Công an phường Tô Hiệu thiaz Công an phường Quyết Thắng.

Ntơưv hnuz grâuv pax, cux tưz nthuôr têx txux chi thiaz tưr ntâuk bóng têk, ndơưk bóng thôngx siaz shir phaz lus.