Côngz xưv huôv tsar đảng viên zos shuv xênhz THPT tâu saiz zos iz hâur têx hâux lưv zov chênhr chia zok tâu têx nênhs cơưv coz, tsiv txiax chia tsa nhoz Đảng, chuôz luz jos lox trâu Đảng. Lês trơưk cêr chox car ntơưv Ban Thường vụ Huyện ủy Bắc Yên, shông 2022, Ban Tổ chức Huyện ủy tưz đros Trung tâm Chính trị huyện thiaz Đảng ủy yar cơưv THPT Bắc Yên kriz 1 jâus kria pâuz cêr chai Đảng trâu 45 lênhx zos têx shuv xênhz tsiv txiax. Đảng ủy yar cơưv THPT Bắc Yên tưz phaiz đảng viên sox njôngr, cxơưz paz têx shuv xênhz. Hâur ntơư, têx shuv xênhz: Vi Thị Thanh Trà, Bùi Linh Giang thiaz Nguyễn Thị Phương Hiền tưz tâu tsa nhoz hâur Đảng.

Cưk kria Phan Văn Tuấn, Bí thư Đảng ủy, Hiệu trưởng yar cơưv THPT Bắc Yên, haik pâuz: Đảng ủy yar cơưv tưz moz siaz txos hâux lưv paz têx shuv xênhz cơưv coz, tsiv txiax chia tsa nhoz hâur Đảng, ntơư zos iz hâur têx hâux lưv chính trị zov chênhr. Đhâu  Đoàn thanh niên, cưk kria saiz car, pêz tưz kria cxix cxuô têx cêr chai chia txâuk tsa nhoz hâur Đảng ntơưv yar cơưv chia têx shuv xênhz trâu siaz sir jos cơưv shâuv. Đros trâu hâux lưv choz kria, cơưv ntơưr jông, yar cơưv tưz tsik tsês kriz têx cêr siz tưr, cơưv câu lạc bộ, cơưv chính trị muôx txiax njis, đhâu ntơư, paz trâu têx shuv xênhz cơưv shâuv, nthuôr huôv tâu zuk pênhr xưv, sir jos cov tâu tsa uô đảng viên.

Zus thiaz lox hloz trâu iz zis nênhs muôx cênhz cưv cxiv tsa têz qơưk, pos, zơưs, niav, txir puôr lênhx zos đảng viên, viv li shuv xênhz Bùi Linh Giang, cơưv lớp 12A1, Yar cơưv THPT Bắc Yên tưz nzor muôx luz siaz xar sir jos cov tâu tsa nhoz hâur Đảng. 12 shông siz lơưr lias, Giang puôr lênhx tâu côngz bê shuv xênhz cơưv coz thiaz moz siaz lês têx hâux lưv Đoàn; tưr tâu giải pêz môn Hóa học ntơưv jias tưr shuv xênhz coz THPT cấp tỉnh shông cơưv 2022-2023; tâu giải plâuz jias tưr khoa học, kỹ thuật cấp tỉnh trâu shuv xênhz trung học shông cơưv 2022-2023 thiaz tâu Chủ tịch UBPX huyện Bắc Yên muôz ntơưr kruôk lês tâu jông hâux lưv “cơưv shâuv thiaz zôngs trơưk siaz xav, chưx pưv, tsiv txiax Hồ Chí Minh”.

Shuv xênhz Giang haik pâuz: Tâu tsa nhoz hâur Đảng thâuv muôx 18 shông zos kror lok six jông siaz ntơưv cur tus khênhx thiaz cur zis nênhs. Ntơư zos kror chuôz luz jos lox chia cur sir jos cov yênhx iz lênhx đảng viên jông, muôx phênhv shuôv trâu têx hâux lưv cur zuôr lês. Ntu zuôr txos, thâuv muk cơưv đại học, cur zuôr sir jos cơưv shâuv cov tsik giv cưr kria têx txiax njis.

Yênhx iz lênhx đảng viên thâuv muôx 18 shông zos kror lok six zov chênhr ntơưv shuv xênhz Nguyễn Thị Phương Hiền, cơưv lớp 12A2 luz nênhx. Têx hâux lưv hâur yar cơưv, nưk tưz moz siaz côngv lês, yênhx iz luz tsov iar chia sơưr đơưk zôngs trơưk, zos shuv xênhz hlôngr njêx muôs trâu yar cơưv côngv jias tưr shuv xênhz coz cấp huyện, cấp tỉnh môn Ngữ văn thiaz tâu giải khuyến khích ntơưv jias tưr shuv xênhz coz cấp tỉnh shông cơưv 2021-2022 thiaz 2022-2023.

Shuv xênhz Nguyễn Thị Phương Hiền haik pâuz: Cur jông siaz zos iz lênhx hluôs yax hâur yar cơưv tâu tsa nhoz hâur Đảng. Pâuz mênhx lok sâuv Đảng têx cêr chai, cur pov tâu cur tus khênhx zuôr tsuv sir jos đuô chia lês jông vax huôv ntơưv iz lênhx đảng viên. Cur zuôr sir jos cơưv shâuv chia cxơưz paz cxiv tsa thax tsav, têz qơưk zênhv hnuz zênhv bluô nux, jông jav đuô.

Haik txos shuv xênhz Vi Thị Thanh Trà, cơưv lớp 12A1 chia cov yênhx iz lênhx đảng viên thâuv muôx 18 shông, Trà tưz sir tas đas jos chia cơưv shâuv thiaz côngv têx cêr siz tưr zos yar cơưv, lớp gruô hu. Trà zos shuv xênhz coz 3 shông siz lơưr lias THPT, tâu giải oz môn luk Anh thiaz giải pêz môn Hóa học ntơưv jias tưr shuv xênhz coz cấp yar cơưv shông cơưv 2022-2023.

Trơưk li Thanh Trà, tâu tsa nhoz đảng viên thâuv nhiv kruôr muôx cias 18 shông zos txox cêr bâu suôr, txox cêr nyơư ntơưv ntâu lênhx hluôs nênhs. Ntơư tưz tsik zos jông siaz xưz, mak tsênhv zos kror paz trâu têx đảng viên hluôs moz siaz cơưv shâuv, muôx nzir phênhv shuôv, tsiv nhos zos têx nênhs uô hâux lưv trâu têz qơưk.

Tâu tsa nhoz hâur Đảng thâuv tsênhv zos shuv xênhz THPT tưz paz têx shuv xênhz tror moz siaz cơưv shâuv, paz cov muôx iz fâuv đảng viên hluôs lês tâu jông hâux lưv, muôx phênhv shuôv, chuôz tâu luz lox jos trâu Đảng./.