Shông 2025, hur si tỉnh muôx 2.887 ziv khov paz uô yiaz, kho đuô tsêr nhoz, xav tas nro nhiax uô yax 160 tiv đaiv. Hâur ntơư, 214 ziv zos nênhs muôx côngz trâu têz qơư, 343 ziv zos cxiax cxênhv têz qơư xav, 2.330 ziv zos ziv pluôs, jê cêr pluôs. Txos hnuz 10/4, Ban  Zaz zâuv Quỹ nhiax “Viv nênhs pluôs ” tỉnh tưz taz nhav cêr paz ntơưv paz pơưs, tus khênhx trâu cxiax  cxênhv kho tsêr đos đis shông  2025 xav nhiax uô yax 61 tiv đaiv. Iz chas ntơư, têx huyện, thành phố, thị xã hâur  tỉnh tưz sir nzir zuk đas jos, tso tơưv cêr siz tưr lês, muôx ntâu faz uô jông chia côngv đas jos, nhiax txiax paz kho tsêr đos đis.

Ntơưv cxiax cxênhv, nênhs hlôngr Tập đoàn Xuân Thiện tưz choz 20,4 tiv đaiv chia paz 340 luz tsêr đos đis, tsêr xâu nas thax tsav tỉnh.

Fuô luk ntơưv cxiax cxênhv, đồng chí Nguyễn Đình Việt muôx lưs uô tsâus txos kror moz siaz, paz max, paz txos ntơưv Tập đoàn Xuân Thiện. Tok nrư ntu zuôr txos no, Tập đoàn Xuân Thiện tsik tsês moz siaz, njuôk saiz thiaz fuô lês têx dự án cxiv tsa hâur cxuô faz thax tsav tỉnh, siz chos paz thax tsav uô tiar jông hâux lưv huôv vav nhiax txiax - xã hội.