Trơưk ntơư, phaiz trâu UBPX tỉnh Sơn La zos cơ quan saiz car, tâu sir zôngv nhiax hâur thax tsav thiaz nhiax trơưk chai chia uô ntu cêr yêz muk chênhr Hòa Bình - Mộc Châu, ntu nhoz hâur thax tsav tỉnh Sơn La.

Dự án cêr yêz muk chênhr Hòa Bình - Mộc Châu, ntu ntơưv thax tsav tỉnh Sơn La tâu tỉnh tuôr xav zos dự án zov chênhr, cxơưz paz huôv tsar nhiax txiax - xã hội ntơưv tỉnh Sơn La thiaz thax tsav Tây Bắc. Ntu muk đhâu tỉnh Sơn La ntêr 32,3 caik; piz ntơưv caik 53 ntơưv xã Chiềng Yên, huyện Vân Hồ thiaz cơưs ntơưv caik 85+300 yuôv trâu cêr yêz têz qơưk 43 ntơưv thax tsav xã Phiêng Luông, huyện Mộc Châu; ntu yaik pêx xênhv nhoz qơư yiaz chia lês hâux lưv ntêr zuôr luôs 34,4 caik; muôz nhiax uô cêr txâuk trâu 2 lênhx yêz muk lok, hâux lưv yaik pêx xênhv nhoz qơư yiaz chia uô cêr đar txâuk 4 lênhx yêz muk; hur si nhiax uô tas 4.938 tỷ đaiv txix li nhiax Têz qơưk; ntu lês hâux lưv txix shông 2023 txos shông 2028. 

Hâux lưv tâu Thủ tướng Chính phủ zok zos cơ quan saiz car zuôr paz zôngx ziv chia Sơn La fuô lês Dự án uô cêr yêz muk chênhr Hòa Bình - Mộc Châu, ntu nhoz hâur thax tsav tỉnh Sơn La lês tâu sai.