Hnuz grâuv pax nthuôr têx hâux lưv: Công nhav zos kror yiaz tsik muôx lênhx tưs bâuv Việt Nam trâu “50 zav jâuz mor, đêx hâuk muôz Chêx uô”; jias tưr uô jâuz mor kaz ntơưv têx đơn vị côngv hnuz grâuv pax; cxênhx cxênhv nthuôr haik cưr cxiax…Tsik tas li, tsênhv muôx 65 qar tsêr huv kria têx txux chi, nuôv zax, hax huv txơưr hlo thiaz jâuz mor ntơưv cxuô luz têz qơưk, têx tỉnh thành; têx ntâuz ntơưr, đuôz, zênhx zav kria têx qơư nuôv zax jông, kria cxuô kror qơư pâuz hax huv nuôv zax jông.

Côngv Hnuz grâuv pax jâus no, Trung tâm Cxưx nhiax uô, Cxơưz cêr lax luôv thiaz Nuôv zax tỉnh Sơn La tsênhv nthuôr têx zênhx zav, huv nuôv zax txơưr hlo, đros trâu têx huv OCOP, kôngz, txir nox uô ntêx lông ntơưv tỉnh, li: Txir khơưz, chuôz thox hmz, cà phê, cuô txoz shơư txux lov, yuôx zêx, kix đuz, txir nox kra kruôr. Nthuôr têx hâux lưv txux chi, li: Haik cưr cxiax then, sênhr chêr, ntâuk txir toz… muôx lok six chôngz pêx xênhv thiaz kruô nuôv zax tuôx ndis shuôk. Đhâu no, paz kria txos đuôz, tiz nênhs, têx qơư nuôv zax jông ntơưv tỉnh. Đros ntơư, tsênhv siz njiz, siz chos cơưv shâuv, saz lax tsưr ziv uô jông côngz xưv saiz car, cxơưz cêr lax luôv thiaz huôv tsar nuôv zax hâur cxuô kror qơư hâur thax tsav.