Thanh Hóa zos thax tsav muôx jông qơư huôv tsar nuôv zax, muôx jông cxuô zav txux hâur têz qơưk thiaz ntiax têz đros trâu 1.535 kror qơư cênhz cưv, tox trôngz hâur pêk, đêx hiar fiv jav đros trâu 102 caik cêr puôz ntus đêx hiar thiaz yax 300 cêr grâuv pax txux chi jông, kar nox hâur thax tsav tâu kruô nhiav… Đros trâu têx zav muôx txơưv ntơư, hâur têx shông đhâu, nuôv zax Thanh Hóa tưz yênhx kror qơư uô ntêx hlo hâur têz qơưk muôx chôngz kruô tuôx nuôv zax. Txix hâu shông txos nhiv no, xav hur si têx kruô tuôx nuôv zax trâu Thanh Hóa tâu zuôr luôs 12 triệu pưs, xav sâu txix li nuôv zax tâu yax 23.223 tỷ nhiax.

Tỉnh Thanh Hóa njuôk xav têx tỉnh Tây Bắc zos thax tsav muôx ntâu zav jông nuôv zax thiaz zov chinhr trâu tỉnh; tsik tsês côngv cxơưz nuôv zax, fuô kria têx đuôz, zênhx zav, tiz nênhs xứ Thanh đhâu têx hâux lưv, xưv cxênhx, cêr grâuv pax tâu kriz trâu têx tỉnh Tây Bắc.

Jâus cơưv no zos jias chia têx nênhs muôz nhiax, tsêr luôv kriz cêr nuôv zax ntơưv tỉnh Thanh Hóa thiaz têx tỉnh Tây Bắc tâu sik njiz, siz khov, siz chos côngv chox kruô, muôx têx qơư nuôv zax jông, gri fiv huv, paz iz phênhv tưs muôx chôngz kruô nhoz saz Tây Bắc mul nuôv zax trâu Thanh Hóa thiaz nênhs Thanh Hóa tuôx nuôv zax trâu Tây Bắc.

Ntơưv jâus cơưv, têx đại biểu tưz saz lax lol sâuv têx tsưr ziv siz khov huôv tsar nuôv zax txix li tỉnh Thanh Hóa đros têx tỉnh Tây Bắc, côngz xưv fuô kria, cxơưz cêr nuôv zax, cxơưz paz cêr siz khov txix li têx tsêr luôv; kria txos têx qơư nuôv zax jông…

Hâur jias cơưv, Hiệp hội Nuôv zax tỉnh Thanh Hóa thiaz Hiệp hội nuôv zax têx tỉnh Sơn La, Lào Cai, Lai Châu, Điện Biên, Hòa Bình, Yên Bái tưz chos lul sâu ntơưr ndo njôngr siz côngv huôv tsar nuôv zax.

Iz chas jâus cơưv, Ban tổ chức cux kriz pir txưr muôs têx hax huv, têx qơư nuôv zax, hax huv nuôv zax, hax huv OCOP Thanh Hóa, têx kar nox txos trâu têx đại biểu.