Siv fuô lês cêr chai phax tar hluôr tơưk cuz jôngr, muôx têx cxênhx cxênhv: Ban Chox car por hưv tir tar, tuô hluôr tơưk cuz jôngr xã tưz kriz jias cơưv cxênhz yuôx hâux lưv cuz jôngr, cxiv kho, cxaz nzir, fuô lês tsưr ziv phax tar hluôr tơưk cuz jôngr thiaz paz chơưv tiz nênhs. Zok hâux lưv, tso tơưv tsưr ziv uô trâu têx đoàn thể xã thiaz têx jok nhav nxiak lês muôx kaz hâu hâux lưv tir tar, tuô hluôr tơưk cuz jôngr, đơưk tâu sai tir tar, tuô hluôr tơưk cuz jôngr cêr chor nhov. Sir zôngv tiz nênhs cias ntơưv qơư thiaz têx tsôngv nênhs tsik tsês siv phax tar hluôr tơưk cuz jôngr, paz chơưv tiz nênhs, tuô hluôr tơưk cuz jôngr cêr phiv liv.

Phênhv siv tuô hluôr tơưk cuz jôngr ntơưv jok Tà Vàng, đros trâu pir txưr: Ntơưv thax tsav har jôngr por hưv hâu đêx ntơưv jok Tà Vàng pov yưv hluôr tơưk cuz, pêx xênhv tưz sir jos tuô tuôs hluôr tơưk cuz, taz sik hluôr tơưk ho tsênhv cuz lox điv muk cuz trâu cxuô kror qơư,  nziv zuôr cuz trâu thax tsav har jôngr nhoz jê. Ban chox car por hưv tir tar, tuô hluôr tơưk cuz jôngr xã gruô hu yax 200 lênhx, hâur ntơư muôx: Dân quân tự vệ, công an, quân sự xã, đoàn thanh niên, hội pox niav, pêx xênhv jok Tà Vàng, Quỳnh Phiêng, đros cán bộ, chiến sĩ Zênhx Đriv têz Chiềng Tương, tsôngv kiểm lâm thax tsav zênhx max tuô hluôr tơưk cuz, yêv pêx xênhv muk nhoz yiaz thiaz zok nriar paz chơưv tiz nênhs; por hưv jông pêx xênhv chuôz tav, tsik chia tus nênhs cxâuv nzaz nzơưv hluôr tơưk cuz, huôz pêx xênhv chuôz tav. Bax yuôx thiaz chuôz zênhx kho moz đros tsôngv nênhs hâur xã tuôx muk trâu têx jok paz chơưv tiz nênhs trâus moz, thâux tus nênhs moz muk nhoz đuô kror qơư nhaz xênhz.

Jias siv phax tar tâu công nhav hov coz. Chủ tịch UBPX huyện puz ntơưr kruôk trâu 3 paz pơưs, 10 tus khênhx lês jông hâux lưv siv phax tar.