Dự án têx cưx đêx ntưk uô kôngz Nà Sản ntêr 44,5 caik, têx thax tsav sâu tror kaz 10 ha ar thax tsav 19 luz jok, nhoz 2 xã Chiềng Mung thiaz Hát Lót, đros trâu 758 ziv pêx xênhv mas hiav.

Txos nhiv no, tưz lês tiar têx zav njuôk thiaz tso chai lês cok tsês têx cêr njuôk đêx ar sâu tror kaz têx ar chia uô dự án. Tuôr xav uô thiaz xav qơư lês 1.647 tus ndêx; cxok 1.532/1.647 tus ndêx chiv chiav, tâu 93% têx hâux lưv; đuô li, iz cxia ziv pêx xênhv tsik chia cxok pak trâu ar zuk ziv nênhs, tiv zos kho đuô thax tsav yêv qơư. Uô tiar côngz xưv cxênhz thêv nhiax đêx ar, shôngz ntông, kôngz lông.

Taz sik, lês dự án tsênhv kênhz njuôk li tuôr xav, têx ar zos lênhx tưs tus, tuôr xav, cxênhz yuôx tso chai thêv nhiax yêv qơư. Txos nhiv no, nhiv kruôr tso chai thêv nhiax trâu 143/758 ziv thiaz zok tâu li 4,3/44,5 caik.

Fuô luk ntơưv jâus uô hâux lưv, đồng chí Nguyễn Thành Công cxiz cov têx sở, ngành cik txos thiaz huyện Mai Sơn sir jos fuô lês hâux lưv yêv qơư, kriz cxiv puôz, chok nxiak huv cêr tuôr xav tưz chos luk uô ntêx hnuz 30/6. Xav li huyện Mai Sơn, côngv tâus cov pâuz mênhx têx ar, zav ar, nênhs zôngv ar, tiv zos sâu ar tror kaz. Đros ntơư, gruôv hồ sơ têx ziv nênhs tưz uô tiar ntâuz ntơưr yêv qơư txix li xa trâu Sở Tài nguyên thiaz Môi trường cxênhz yuôx chia thêv nhiax txiax. Lês cêr cxênhz yuôx hur si têx ntu hâux lưv, têx qơư kho đuô trơưk chai têz qơưk xav, chok nxiak tsik chia yưv ntơưr siz pênhr, siz cov...