Hâur shông đhâu, oz saz têz qơưk tưz kriz fuô kria, fuô lês ntov nti têx njiaz luk trơưk li ntâuz ntơưr saz lax chos lul txix li Bộ Tư lệnh Tuz lênhv Đriv têz, Bộ Quốc phòng Việt Nam thiaz Cục Tuz Lênhv Đriv têz, Bộ Tổng Tham mưu Tuz lênhv pêx xênhv Lok Tsuôk. Siz chos fuô kria pêx xênhv oz saz đriv têz lês ntov Nghị định lok sâuv đriv têz thiaz ndêx chiv đriv têz Việt Nam – Lok Tsuôk; Hiệp định lok sâuv cêr chai saiz car đriv têz thiaz trôngx lôngs đriv têz ntơưv thax tsav Việt Nam – Lok Tsuôk shông 2016. Siz chos saiz car, por hưv truôx njês đriv têz qơưk.

Tsik tsês siz kria lok sâuv têx hâux lưv muôx yưv cik txos đriv têz, côngv cxênhz yuôx đriv têz tâu 16 jias, đros trâu muôx 317 lênhx nênhs. Cxênhz yuôx têx ndêx chiv đriv têz số 144 – 145 nziv poz sưz, cxiv puôz ndêx chiv đriv ntu nhoz puôz trâu 4 tỉnh. Hâur shông, Tuz lênhv Đriv têz tỉnh Sơn La thiaz tỉnh Điện Biên tưz chox car thiaz paz têx nênhs muôx vax huôv têz qơưk Lok Tsuôk cxênhz cxov tâu 118 txuz, muôx 137 lênhx nênhs cxâuv, thu tâu 55 thôngx zênhz đơưz, 182.708 luz zênhz siz shơưk, 2,99 chiaz zênhz đêx đâuk, 3,392 chiaz zênhz đuz, 6 đraz fov, 5 luz mok txưr thiaz ntâu zav chuôz zênhx cik txos.

Bộ Chỉ huy Tuz lênhv Đriv têz tỉnh Sơn La thiaz tỉnh Điện Biên tưz siz chos kria nzir tsưr ziv por hưv đriv têz trâu cán bộ Tuz lênhv pêx xênhv Lok Tsuôk shông 2023 tâu 2 lớp, muôx 40 lênhx nênhs cơưv. Hli 5/2023, Bộ Chỉ huy Tuz lênhv Đriv têz tỉnh Sơn La thiaz Bộ CHQS tỉnh Luông Pha Băng tưz siz chos kriz yênhx côngz jias Siv shâuv siz chos tir tar têx nênhs tsir têz qơưk, hla đriv tsik trơưk chai đhâu đriv têz qơưk Việt Nam – Lok Tsuôk shông 2023, tâu thơưx car cxuô cấp oz luz têz qơưk kruôk. Oz saz tsênhv tsik tsês kriz têx jias cơưv, saz lax trơưk chaix thiaz tsik trơưk chaix chia siz chos kria pâuz têx hâux lưv cik txos côngz xưv por hưv, saiz car đriv têz.

Hâur shông, Bộ Chỉ huy Tuz lênhv Đriv têz tỉnh Sơn La thiaz tỉnh Điện Biên tưz paz cxiv puôz tsêr uô hâux lưv trâu đơn vị trâu têz qơưk Lok Tsuôk, xav nhiax tas yax 292.000.000 nhiax; tror tsưx truôx hâux lưv “Paz shuv xênhz muk cơưv ntơưr” trâu 8 lênhx shuv xênhz njiz ntâu cêr phiv liv ntơưv thax tsav đriv têz nhoz oz tỉnh Luông Pha Băng thiaz Phông Sa Lỳ.

Ntơưv jias saz lax, oz saz tưz thôngx iz trôngs luk lês iz cxia hâux lưv hâur ntu zuôr txos. Zov chênhr li: Tror fuô lês chos luk siz khov por hưv đriv têz txix li Bộ Tư lệnh Tuz lênhv Đriv têz, Bộ Quốc phòng Việt Nam thiaz Cục Tuz lênhv Đriv têz, Bộ Tổng Tham mưu Tuz lênhv pêx xênhv Lok Tsuôk. Moz siaz siz kria têx hâux lưv cik txos nênhs cxâuv, hâux lưv por hưv njias to thax tsav đriv têz, têx paz pơưs uô hiav txos oz luz têz qơưk. Hâux lưv nênhs hla đriv têz ntơưv oz luz têz qơưk, têx hâux lưv tsir têz qơưk thiaz siz zuôr zuôv chai đhâu đriv têz. Thôngz iz trôngs luk chox car têx đơn vị siz khov txix li zênhx đriv têz thiaz đại đội Tuz lênhv Đriv têz oz saz. Moz siaz tsưx truôx hâux lưv siz chos côngv cxênhz yuôx đriv têz qơưk li ntâuz ntơưr tưz sâu chos luk.