Jias saz lax, muôx pos Cherie Anne Russell, Tham tán siz khov huôv tsar, Đại sứ quán Australia ntơưv Việt Nam; Tsêr luôv kria tsưr ziv Saiz car Dự án GREAT 2; iz cxia sở, ngành ntơưv tỉnh; Hiệp hội Nuôv zax tỉnh; UBPX cxuô huyện, thành phố; nênhs hlôngr njêx muôs trâu têx tsêr luôv, HTX uô ntêx nyuôk hâur cêr lax luôv nuôv zax hâur thax tsav.

Ntơưv jias saz lax, hlôngr njêx muôs Dự án GREAT tưz kria têx hâux lưv uô tâu hâur Dự án GREAT ntu 1; tuôr xav fuô lês dự án ntu 2. Hâur ntơư, Dự án GREAT ntơưv Sơn La ntu 1 (2017 - 2022) tưz đros têx nênhs siz chos lês tâu ntâu zav hâux lưv jông, cxiv tsa thiaz huôv tsar ntâu cêr luôv hâur têx ngành kôngz lông thiaz nuôv zax, trơưk tuôr xav paz pox niav huôv tsar nhiax txiax, lar haik mak pox niav hair nênhs tsơưs. 

Trơưk têx zav Tsêr luôv kria tsưr ziv saiz car Dự án GREAT 2 cxênhz tâu lok sâuv têx qơư ntơưv Sơn La zos têx kruô hâur thax tsav, kruô ntiax têz, têx kruô nhiv no phênhv chôngz tsuôk zos nuôv zax ntơưv Mộc Châu, kruô oz chas têz tsênhv tsik tâu chôngz. Tsêr luôv kria tsưr ziv saiz car haik mênhx zuôr tsuv njuôk tsov ntơưv Dự án, zos: Huôv tsar cêr, vax tsê chia têx huyện thiaz têx thax tsav iz ndis cux pâuz; uô jông têx qơư tok kruô tuôx so, ndis uô si nuôv zax; huôv tsar nuôv zax fiv huv cêr nyiaz hur (muk tơư ndis hâur har jôngr, chaix yêz câux vaz…) uô jông por hưv têx txux chi jông ntơưv Sơn La...

Têx đại biểu tưz piar thiaz saz lax hâux lưv huôv tsar nuôv zax tỉnh Sơn La, hâur ntơư haik mênhx: Têx zav zuôr tâu lês uô ntêx hlo hâur 15 luz hli zuôr txos thiaz têx hâux lưv tuôr xav hâur tas nro Dự án GREAT ntu 2, chia pov kaz lês: Huôv tsar nuôv zax txux chi, huôv tsar vax tsê, cêr hâur thax tsav; cxưx nhiax paz nuôv zax cov jông thiaz qơư trâu kruô so... Têx đại biểu cux chia siaz têx cêr khov, saz lax jias no zuôr tâu Dự án GREAT moz siaz txos, chia lês Dự án GREAT ntu 2 cov jông đuô.

Hâur ntu 2 ntơưv dự án GREAT, ngành nuôv zax Sơn La chia siaz zuôr tror tâu paz - kria – siz chos huôv tsar – uô tâu yênhx côngz, zôngv tas têx zav muôx txơưv chia huôv tsar nuôv zax, trơưk tuôr xav muôx ntâu qơư nuôv zax jông, txơưr cxuô thax tsav, pâuz lês hâux lưv, paz pêx xênhv cxuô hair nênhs Sơn La muôx hâux lưv uô, cxuz tâu cêr yaiz pluôs truôx njês, yax hlo mak paz pox niav hair nênhs tsơưs muôx pênhr xưv, qơư sơưr lês cxuô zav hâux lưv./.