Sặp Vạt zos luz xã tox siaz ntơưv huyện Yên Châu, muôx 11 luz jok, yax 1.000 zis, yax 4.600 lênhx nênhs, đros trâu 3 hair nênhs nênhs nhoz uô cê, hâur ntơư hair nênhs tsơưs txênhz yax 95% toz hâu nênhs. Lês têz qơưk luôs hâux lưv cxiv tsa jêx jok yiaz, UBPX xã tưz tso tơưv cêr tuôr xav chox car, kria thiaz zok trâu jok lês cxuô chỉ tiêu, tiêu chí cxiv tsa jêx jok yiaz. Phaiz hâux lưv mênhx pêv trâu têx thành viên tâu phaiz saiz car têx jok tsik tsês cxênhz yuôx, cxiz fuô lês hâux lưv cxiv tsa jêx jok yiaz.

Txix shông 2013 txos nhiv no, xã Sặp Vạt tưz uô tâu 7,4 caik cêr yêz jêx jok thiaz 11,4 caik cêr muk liax têz, xav tas yax 8,4 tỷ nhiax; hâur ntơư, pêx xênhv côngv yax 5,3 tỷ nhiax, têz qơưk muôz paz 2,8 tỷ nhiax. Txos hli 12/2023, xã tưz uô tiar 19 tiêu chí, 57 chỉ tiêu cxiv tsa jêx jok yiaz. Fênhx đraz sâu nhiax iz tus nênhs tâu 42,1 triệu đaiv/shông; têx hax huv kôngz chos sâu tâu 70 triệu nhiax/ha; têx nênhs muôx hâux lưv uô tsik tsês tâu 70%; têx zis tâu zôngv điện tsik tsês, nhaz xênhz tâu 95%; têx yar cơưv, tsêr njuôk kho moz tâu muôz nhiax cxiv puôz txâuk chai; lês tiar hâux lưv uô tsêr trâu têx zis nhoz tsêr khâuz hlaz, tsêr ntuôs, têx zis pluôs yuôr 12,8%...  

Ndax jias no, UBPX tỉnh tưz muôz ntơưr kruôk trâu 3 paz pơưs, 8 tus khênhx; UBPX huyện Yên Châu tưz muôz ntơưr kruôk trâu 6 paz pơưs, 17 tus khênhx lês tâu jông hâux lưv cxiv tsa jêx jok yiaz.