Txuv jâus cơưv muôx têx đồng chí Ủy viên Ban Thường vụ Tỉnh ủy; thơưx car têx sở, ban, ngành; cxuô thành viên Ban Chox car Hlôngr pâur số tỉnh. Jias cơưv tâu tso yưv ti vi txos UBPX huyện, thành phố; cxuô xã, phường, thị trấn hâur tỉnh.

Tov kaz 2 shông fuô lês Nghị quyết số 17-NQ/TU hnuz 31/8/2021 ntơưv Ban Thường vụ tỉnh ủy, côngz xưv hlôngr pâur số hâur thax tsav tỉnh tưz tâu cxuô cấp, cxuô ngành moz siaz fuô lês cxix cxuô; moz siaz uô cov tiar têx hâux lưv, tsưr ziv chia paz pêx xênhv thiaz tsêr luôv uô tiar ntâuz ntơưr tâu sai, paz hlôngr yiaz xưv cxênhx uô ntâuz ntơưr têz qơưk thiaz cxơưz nhiax txiax – xã hội ntơưv tỉnh tsik tsês huôv tsar.

Nhiv no, 100% xã muôx huôz chuô xor tôngx 4G; têx jok muôx huôz chuô xor tôngx 4G tâu 98,50%, têx nênhs tâu sir zôngv huôz chuô xor tôngx 4G tâu 94,86%; têx nênhs sir zôngv zav xor tôngx yiaz jông txênhz 59,64%; xav têx nênhs sir zôngv Internet hur si tỉnh tâu 46,34%; 100% cơ quan saiz car têz qơưk thiaz tus khênhx muôx vax huôv kir ntâuz ntơưr txix cấp tỉnh txos cấp xã tâu puz chứng thư số zôngv uô hâux lưv trơưk chính phủ txox chai; têx tsưr ziv tu ntâuz ntơưr cias đruôz mair muôx nzir têx ntâuz ntơưr uô đhâu đruôz mair/hur si tsưr ziv tu ntâuz ntơưr đhâu đruôz mair ntơưv tỉnh muôx nzir ntâuz ntơưr xav hur si lês cias trâu đruôz mair thiaz tsik đhâu đruôz mair tâu 88,51%...

Lar haik, tov kaz 2 hli (txix luz 8 hli txos luz 9 hli shông 2023) tưz zaz zâuv, gruô hu sơưr đơưk mul paz kria pêx xênhv thiaz tsêr luôv pâuz xa ntâuz ntơưr đhâu đruôz mair, hâux lưv uô ntâuz ntơưr đhâu đruôz mair ntơưv tỉnh Sơn La muôx ntâu hlôngr yiaz; xav uô ntâuz ntơưr tâu 100%, tu tiar thiv ntâuz ntơưr điện tử tâu 80,61%; tưz muôz phênhv tưs nhiax chia uô vax tsêr, zuôr chuôz zênhx, muôz chứng thư số trâu paz nênhs uô ntâuz ntơưr iz kror trôngx cxuô cấp.

Ntơưv jias cơưv, tưz tsa tâu ntu tso xor Hlôngr pâur số tỉnh Sơn La, đros trâu bê  chuyendoiso.sonla.gov.vn, chia kria têx xor mông lok sâuv: Xor xưv, nov hâu số, nhiax txiax số, xã hội số, thành phố hlôngr yiaz; têx xor mông ntâuz ntơưr hlôngr pâur số ntơưv trung ương, ntơưv tỉnh; tso tơưv têx zênhx zav, đuôz, clip, infografic, ntâuz ntơưr kria lok sâuv têx chuôz zênhx sir zôngv, xưv cxênhx số, tsưr ziv hlôngr pâur số, sir zôngv chuôz zênhx yiaz tưx xar tâu trâu têx hâux lưv hlôngr pâur số…

Fuô lês jias tưr đhâu đruôz mair lol sâuv Hlôngr pâur số tỉnh Sơn La shông 2023, tov kaz 6 tuần gruô hu, tưz muôx 203.623 lênhx tưr, đros trâu 288.028 jâus tưr, muôx 15.418 jax tưr uô zos hur si. Ban tổ chức tưz puz ntơưr công nhav trâu 8 paz pơưs, 22 tus khênhx tưr tâu hâur jâus no.

Sâuv nhav têx hâux lưv uô tâu jông, Chủ tịch UBPX tỉnh tưz puz ntơưr kruôk trâu 1 paz pơưs, 6 tus khênhx tưr tâu hov 1 Jias tưr pâuz lol sâuv hlôngr pâur số tỉnh Sơn La năm 2023.

Fuô luk hâur jias cơưv, đồng chí Hoàng Quốc Khánh, cxiz cov cxuô cấp, cxuô ngành, huyện, thành phố tror moz siaz cxiv tsa cêr chai lês mênhx pêv cêr chox car ntơưv tỉnh chia muôx txâuk qơư, tiz nênhs, nhiax txiax cxơưz hlôngr pâur số, huôv tsar nhiax txiax số, xã hội số hâur thax tsav tỉnh; fuô lês muôx kaz hâu 10 luz luôs hâux lưv zov chênhr hâur shông hlôngr pâur số tỉnh Sơn La shông 2023. Cxênhz têx chỉ số tsênhv tsik uô tâu jông, chia tsov xav tsưr ziv đơưk têx cêr phiv liv, hlôngr yiaz chỉ số, têx hov hlôngr pâur số ntơưv tỉnh. Huôv tsar xưv cxênhx số siz luôs jok hâur hur si tỉnh.

Tsik tsês fuô lês têx hâux lưv hlôngr pâur số, pâuz mênhx qơư chos kôngz, txir nox mênhx pêv chia paz zênhx max trâu hâux lưv muôs têx kông, txir nox trâu cêr lax luôv điện tử. Fuô lês đêz đar tsưr ziv sir zôngv têx xưv cxênhx xã hội số chia paz pêx xênhv pâuz sir zôngv têx tsưr ziv số zov chênhr cxơưz muôx liv trâu luz nênhx. Têx Paz nênhs hlôngr pâur số jêx jok lês tiar hâux lưv tâu zok chia kria pêx xênhv pâuz sir zôngv tsưr ziv hlôngr pâur số muôx kaz hâu…