Tuôx txuv muôx đồng chí Hoàng Quốc Khánh, Phó Bí thư Tỉnh ủy, Chủ tịch UBPX tỉnh; têx đồng chí Ủy viên Ban Thường vụ Tỉnh ủy, Thường trực UBPX tỉnh; thơưx car têx sở, ban, ngành, têx huyện, thành phố hâur tỉnh; thơưx car huyện Mai Sơn hâur cxuô ntu.

Txix hâu shông 1947, Phaz Cir tưz ntâuk châu Mai Sơn, ntâu thax tsav ntơưv Mai Sơn tưz mas Phaz cir txênhz tas. Txix li têx zav ntơư, chia chox car pêx xênhv thiaz tuz lênhv sơưr por hưv têz qơưk, hnuz 20-11-1948, Tỉnh ủy Sơn La tưz tsa tơưv Ban cán sự Đảng châu Mai Sơn, ntơư zos iz kro hâux lưv lox hloz ntơưv cêr siz tưr cxiv tsa têz qơưk ntơưv Mai Sơn.

Hâur jias tir ntâuk tros tos kâuv têz hnuz pôngz shông 1952, chia cov ntâuk zênhz Phaz Cir qơư nhoz ntơưv Nà Sản, tuz lênhv thiaz pêx xênhv tưz tsik tsês puôr ntâuk, uô Phaz cir tuôx tsik tâu hâur cêr ar cux li yêz za. Txix ntơư, Nà Sản tưz tsik zos iz kro qơư zov chênhr, viv Phaz cir kror qơư ntơưv Sầm Nưa (Lok Tsuôk) cux mas ntâuk tơưs lơưv. Hâur iz ntu lur, txix luz 1 hli txos hli 6/1953, têx Phaz cir tuôs thiaz trâus moz ndê txos 404 lênhx, cxov tâu 266 lênhx, thu tâu 218 traz fov cxuô zav, tuô tâu ntâu tus tuz tros. Jias tir ntâuk tros saz kâuv têz Lok Tsuôk yênhx côngz tưz uô trâu Phaz cir nhoz Nà Sản tsik muôx lênhx tưs tuôx paz, hnuz 10/8/1953, Phaz Cir tưz tơưv khiar ntơưv Nà Sản; Mai Sơn thax zênhz.

Hla đhâu 70 shông cxiv tsa, huôv tsar, txix li chox car ntơưv Đảng, Mai Sơn tưz huôv tsar trơưk faz hlôngr yiaz tsưr ziv uô hâux lưv, yênhx thax tsav zov chênhr huôv tsar nhiax txiax ntơưv tỉnh. Yax 2 shông đhâu, sâu nhiax têz qơưk thax tsav huyện tâu yax 1.013 tỷ nhiax; hur si têx pênhr muôz uô hâux lưv tâu 2.500 tỷ nhiax. Thôngz huyện muôx 11.000 ha ntông nox txir, txênhz 13% qơư chos ntông nox txir thax tsav tỉnh; muôx yax 19.000 ha cà phê, caz tsiz, kok ntông, gruô hu tâu ntâu tsêr mair tuôx muôz nhiax uô hâux lưv. Muôx 9 xã txâuk chai jêx jok jok yiaz, hâur ntơư, 1 xã tâu côngz jêx jok yiaz hov jông; 100% têx xã tâu cxiv puôz cêr khor kho txos trâu đrôngs xã; 98,8% zis nênhs tâu sir tơưk điện têz qơưk; 97% zis pêx xênhv hâur jêx jok tâu sir zôngv đêx hur; 100% zis nênhs nhoz hâur đrôngs tâu sir zôngv đêx hur trơưk chai. 

Saz txux chi, choz kria ntơưr, njuôk kho moz, côngz xưv paz têx nênhs txov nhêv hla đhâu cêr phiv liv tâu moz siaz txos. Hur si huyện muôx 38/63 yar cơưv txâuk chai têz qơưk; 100% têx xã, thị trấn muôx tsêr njuôk, kho moz txâuk chai; têx zis pluôs yuôr 12,8%. Thax tsav tâu por hưv nox, nhoz njias to, đros oz chas têz siz khov tror tâu kriz đar. Côngz xưv cxiv tsa Đảng tâu moz siaz txos. Đảng bộ huyện nhiv no muôx 72 chi, đảng bộ cơ sở, yax 9.300 đảng viên; hâur ntơư 426 chi bộ zos đảng bộ cơ sở saiz car; 293/293 luz jok, tiểu khu muôx chi bộ.

Hlôngr njêx muôs thơưx car tỉnh, đồng chí Hoàng Quốc Khánh tưz kruôr kror moz siaz sir jos thiaz têx hâux lưv Đảng bộ, nov hâu, pêx xênhv cxuô hair nênhs huyện Mai Sơn tưz uô tâu hâur ntu tir ntâuk cxiv tsa têz qơưk, cêr cxiv tsa thiaz huôv tsar. Đros ntơư, cxiz cov huyện tror thôngx siaz, hlôngr yiaz, muôx pênhr xưv chox car cxiv tsa Đảng bộ huyện đơưz hur, truôx njês. Moz siaz trâu hâux lưv lês têx đề án, nghị quyết, câuk luk ntơưv Ban Thường vụ Tỉnh ủy chia lês mênhx pêv têx Nghị quyết Đại hội Đảng bộ tỉnh thiaz huyện tưz tso tơưv; moz siaz lês jông phênhv shuôv ntơưv paz pơưs, vax huôv uô ntêx hlo ntơưv tus thơưx car, lưv thơưx car, ntơưv têx cán bộ, đảng viên, công chức, viên chức, yax hlo zos lês hâux lưv “5 mênhx” hâur fuô lês hâux lưv.

Đros ntơư, moz siaz uô kôngz lông, chos jôngr đros trâu uô tơưv têx hax huv zos zuk thax tsav thiax muôx, muôs tâu gri siaz, lês jông hâux lưv muôz nhiax uô nuv, yax hlo zos muôz nhiax uô hâux lưv trơưk faz zov chênhr. Moz siaz huôv tsar txux chi xã hội, đros trâu huôv tsar nhiax txiax; lês jông cêr chai lok sâuv bảo hiểm xã hội, nhiax hli, choz kria ntơưr, njuôk kho moz, toz hâu nênhs. Sir jos por hưv njias to thax tsav tir tros cấp huyện, thax tsav đriv têz; huôv tsar nhiax txiax - xã hội đros trâu por hưv thax tsav nox, nhoz njias to; moz siaz sox njôngr thax tsav, tu zênhx max pêx xênhv têx ndâux luk khov.

Ndax jias no, đồng chí Chủ tịch UBPX tỉnh đã tưz muôz Qix siz tưr ntơưv Chính phủ trâu cán bộ, pêx xênhv huyện Mai Sơn; muôz ntơưr kruôk trâu 4 paz pơưs, 17 tus khênhx; UBPX huyện Mai Sơn muôz ntơưr kruôk trâu 14 paz pơưs, 45 tus khênhx.

UBPX tỉnh Sơn La tưz công nhav thax tsav chos txir na sir zôngv tsưr ziv yiaz ntơưv thị trấn Hát Lót, xã Cò Nòi, xã Nà Bó, xã Chiềng Lương, huyện Mai Sơn trâu 3 HTX, 166 zis nênhs, tus khênhx chos luk đros trâu qơư chos zos 334 ha. Ntơư zos thax tsav chos kôngz trơưk tsưr ziv yiaz tiv 5 ntơưv tỉnh Sơn La tâu công nhav.