Txix li têx hâux lưv hâur thax tsav đriv têz tỉnh Sơn La, hnuz 23/4/1959, Zênhx Công an pêx xênhv Chiềng Khương (nhiv no zos Zênhx Đriv têz trôngx lôngs Chiềng Khương) tâu tsa trơưk Nghị định số 156/NĐ ntơưv Bộ trưởng Bộ Công an. Đơn vị nhoz ntơưv xã Chiềng Khương huyện Sông Mã, tâu zok hâux lưv saiz car đriv têz txix ntu xã Mường Hung txos xã Mường Sai. Cias tov kaz tsa tơưv, đơn vị tưz tir tar tâu jông têx nênhs hla đriv têz, tir tar têx fêv nênhs hla đriv têz; tir tar tâu yênhx puô tus fêv nênhs, fuô kria, zaz zâuv pêx xênhv lok sâuv têx tsưr ziv nziak đas, tsưr ziv lês hâux lưv ntơưv têx fêv nênhs; kria hâur pâuk ntơưr, paz cxơưz pêx xênhv luz nênhx truôx njês. Hnuz 31/12/1973, đơn vị tâu Chủ tịch têz qơưk muôz côngz mênhx đơn vị Anh hùng lực lượng vũ trang pêx xênhv.

Nthuôr huôv jông têx hâux lưv uô tâu zos đơn vị Anh hùng, cán bộ, chiến sỹ Zênhx Đriv têz trôngx lôngs Chiềng Khương tưz thôngx siaz, đros têx nênhs muôx vax huôv thiaz pêx xênhv thax tsav por hưv njias to chính trị, njias to xã hội, lês jông côngz xưv siz khov, siz trâus jông, cxiv tsa đriv têz njias to, thax zênhz, muôx cêr siz khov. Lês tâu jông têx hâux lưv huôv tsar nhiax txiax, xã hội, cxiv kho ndêx ntus chính trị trâu thax tsav; zaz zâuv pêx xênhv cxiv tsa thax tsav đriv têz truôx njês; côngv đas jos, nhiax txiax paz pêx xênhv cxiv tsa jêx jok yiaz, đơưk têx cêr phiv liv tiv ntux ntux nas hiav, phax tar caz moz.