25 shông đrav ntêx, hnuz 20/8/1999, Chính phủ tưz fuô Nghị định 77 tsa yênhx thị trấn Bắc Yên; têx nov chox car thị trấn piz uô hâux lưv txix hnuz xiaz 7/9/1999.

Đhâu 25 shông cxiv tsa thiaz huôv tsar, Đảng bộ thiaz pêx xênhv thị trấn Bắc Yên tưz côngv đas jos, thôngx siaz hla đhâu cxuô cêr txov nhêv, lês tiar ntâu zav hâux lưv, cxiv tsa thị trấn huôv tsar. Txos nhiv no, thị trấn muôx 7 luz jok, tiểu khu, 1.481 ziv, 5.693 lênhx pêx xênhv, muôx 7 hair nênhs côngv nhoz uô cê; muôx 65 luz tsêr luôv, HTX uô nox uô hâuk cxuô zav. Têx yar cơưv ntơưr, cêr yêz, tsêr txux chi jok, tiểu khu, tsêr njuôk kho moz, tsêr uô hâux lưv tâu cxưx nhiax uô jông. Fênhx đraz iz tus pêx xênhv sâu tâu txix 4 triệu nhiax shông 1999 txos shông 2024 tưz txos 60 triệu nhiax; têx ziv pêx xênhv pluôs gris txix 280 ziv shông 1999 yuôr 40 ziv shông 2023, txênhz yax 2% tas nro cxuô ziv pêx xênhv...

Txux chi - xã hội muôx ntâu hlôngr yiaz, muôx 4 luz yar cơưv hâur tas nro 5 luz yar cơưv ntơưr tâu côngk nhav txâuk chai têz qơưk; 93% ziv pêx xênhv tâu côngz uô nênhx muôx txux chi cxuô cấp; muôx 6 luz jok, tiểu khu hâur tas nro 7  luz jok, tiểu khu tâu côngz uô nênhx muôx txux chi; 100% pêx xênhv tâu saiz đuôz. Tsưx hưv truôx cêr nhaz xênhz têz qơưk, pêx xênhv tso siaz lus uô nênhx. Cxiv tsa Đảng, mênhx nov mênhx tsư truôx njês.

Ndax jias no, Đảng ủy, UBPX thị trấn Bắc Yên tưz puz ntơưr kruôk trâu 2 paz nênhs, 19 tus khênhx lês jông hâux lưv hâur 25 shông cxiv tsa thiaz huôv tsar thị trấn Bắc Yên.