Jias saiz hloz muôx đồng chí Đặng Ngọc Hậu, Phó Chủ tịch UBPX tỉnh; thơưx car Vụ Côngz xưv hair nênhs tsơưs thax tsav, Ủy ban Dân tộc; têx sở, ban, ngành ntơưv tỉnh; kuz thơưx car Ban Dân tộc tỉnh đhâu cxuô ntu; thơưx car Ban Dân tộc têx tỉnh: Hòa Bình, Lai Châu, Điện Biên; nênhs hlôngr njêx muôs UBPX cxuô huyện, thành phố.

Hnuz 13/8/2004, UBPX tỉnh Sơn La tưz tso tơưv Quyết định số 95/2004/QĐ-UB lok sâuv cxiv tsa Ban Dân tộc tỉnh thiaz têx nênhs uô côngz xưv hair nênhs tsơưs cấp huyện, cấp xã. Txos nhiv no, Ban Dân tộc tỉnh muôx 21 lênhx, 3 phòng uô côngz xưv. Têx cơ quan uô côngz xưv hair nênhs tsơưs 12 huyện, thành phố muôx yax 40 cán bộ, công chức. Ban puôr lênhx tsi njênhk tsưr ziv tâu zok, chox car Phòng Dân tộc têx huyện, thành phố fuô lês jông hâux lưv trâu yênhx ntu.

20 shông đhâu, tỉnh Sơn La tâu Chính phủ paz yax 10.000 tiv nhiax, Ban Dân tộc tỉnh tưz saz lax trâu UBPX tỉnh, cxưx nhiax, paz pêx xênhv hair nênhs tsơưs nhoz tox siaz txov nhêv huôv tsar kôngz lông, cxiv puôz vax tsêr, cêr muk lok, cxiv tsa luz nênhx hlôngr yiaz; 30.000 ziv pluôs uô tsêr nhoz; uô tâu yax 4.500 luz kror đêx hur sir zôngv, cêr muk lok, chaz điện, tsêr cơưv ntơưr, njưs tâur đêx, tsêr txux chi…; 25 kror qơư nhoz yiaz trâu yax 1.590 ziv nênhs, 5.000 toz hâu nênhs; 10.570 ziv pluôs hair nênhs tsơưs lok six txov nhêv tâu txaik nhiax huôv tsar kôngz lông.

Fuô lês têx cêr chai hair nênhs tsơưs, paz thax tsav pêx xênhv hair nênhs tsơưs lok six txov nhêv ntơưv tỉnh muôx ntâu hlôngr yiaz. Têx ziv pluôs hur si tỉnh grik tsuôk zos yuôr 14,17%; 199/204 xã, phường, thị trấn muôx cêr yêz muk txos đrôngs xã tâu uô jông; 99% ziv nênhs tâu sir zôngv điện têz qơưk nhaz xênhz; 97,5% ziv nênhs tâu sir zôngv đêx hur; 100% xã muôx tsêr uô côngz xưv, tsêr kho moz xã; 96,85% luz jok muôx tsêr txux chi…

Fuô luk hâur Jias saiz hloz, đồng chí Đặng Ngọc Hậu tưz kruôk têx fâuv cán bộ, thơưx car Ban Dân tộc tỉnh têx hâux lưv uô tâu hâur ntu đhâu. Đros ntơư, cxiz cov Ban Dân tộc tỉnh tror xair tâu têx cán bộ cơưv siaz, txơưx uô hâux lưv tâu zok; tưx cxiv tsa tsưr ziv tsov xav, saz lax lês muôx kaz hâu Đảng, têz qơưk cêr chai lok sâuv côngz xưv hair nênhs tsơưs; zênhx max uô tiar têx hâux lưv têz qơưk, paz cêr chai trâu nênhs tâu pêx xênhv njênhs nhoz thax tsav pêx xênhv hair nênhs tsơưs; cxơưz pêx xênhv cxuô hair nênhs tsơưs luz nênhx muôx ntâu hlôngr yiaz…

Chia kruôk têx hâux lưv uô tâu hâur 20 shông cxiv tsa thiaz huôv tsar, Ủy ban Dân tộc tưz xa ntơưr kruôk ntơưv Bộ trưởng, Chủ nhiệm Ủy ban Dân tộc trâu Ban Dân tộc tỉnh thiaz 5 tus khênhx; UBPX tỉnh puz đaiv ntâuz, ntơưr kruôk trâu 8 tus khênhx lês jông cêr sik tưr ndax jâus saiz hloz 20 shông Hnuz tsa tâu   Ban Dân tộc tỉnh.