Txix li chox car ntơưv Đảng thiaz Chính phủ oz luz têz qơưk Việt Nam – Lok Tsuôk, Đảng bộ, nov hâu thiaz pêx xênhv cxuô hair nênhs oz tỉnh Sơn La - Luông Pha Bang puôr lênhx saiz hloz cênhz cưv thôngx siaz, siz trâus jông, moz siaz siz khov cxuô zav lol sâuv nhiax txiax, xã hội, por hưv cêr nox njias to, cxiv kho ndêx ntus chính trị. Siz chos lês jông têx hâux lưv tưx saiz car đriv têz, ndêx chiv đriv têz, zaz zâuv pêx xênhv moz siaz côngv trâu hâux lưv por hưv đriv têz. Paz zôngx ziv trâu têx tsêr luôv, cxuô paz pơưs thiaz pêx xênhv oz têz qơưk zôngx ziv mul lol pâur muôs hax huv, siz khov muôz nhiax huôv tsar uô kôngz lông, uô lax luôv...

Ntu zuôr txos, oz tỉnh zuôr tror lês jông côngz xưv fuô kria trâu pêx xênhv, yax hlo mal pêx xênhv nhoz ntơưv đriv têz lok sâuv 2 zav ntâuz ntơưr cêr chai đriv têz Việt Nam – Lok Tsuôk. Moz siaz lês jông côngz xưv siz chos cxênhz yuôx chia por hưv nhaz xênhz đriv têz, ndêx chiv đriv têz. Tror chox car têx cơ quan, đơn vị cik txos ntơưv oz tỉnh tsik tsês kria têx hâux lưv muôx yưv ntơưv oz saz đriv têz chia tir tar têx nênhs cxâuv thiaz têx hâux lưv ntơưv têx fêv nênhs hiav txos oz luz têz qơưk. Lês jông têx por hưv thax tsav nox nhoz njias to cux li lês côngz xưv phax tar hluôr tơưk cuz jôngr, phax tar moz ntơưv đriv têz. Cxiv tsa têx cêr chai cxơưz paz, cov zôngx ziv trâu têx tsêr luôv ntơưv oz tỉnh zok nriar qơư muôs hax huv, lês têx hâux lưv siz khov uô kôngz lông, lax luôv. Tror moz siaz muôz nhiax lês têx đề án, dự án huôv tsar nhiax txiax - xã hội thax tsav đriv têz ntơưv oz tỉnh...