Jias tưr tas ntơưr THPT shông 2024 tâu kriz hâur hnuz 27 thiaz 28/6. Xav txos  hnuz 15/5, hur si tỉnh muôx 12.724 shuv xênhz sâu bê chos lul tưr, đros trâu 35 kror qơư tưr; 597 qar tsêr tưr. Sở choz kria ntơưr tưz chox car têx yar cơưv tâu saiz car yaz ntơưr trâu shuv xênhz cơưv 12 trơưk njiaz luk “Cơưv txos tưs, truôx txos ntơư”. Tsik so cxênhz yuôx, chia pâuz mênhx têx shuv xênhz cơưv tâu thiaz tsik tâu chia tsov xav tsưr ziv yaz ntơưr trâu yênhx tus shuv xênhz fiv huv tsưr ziv muôx kaz hâu. Đros têx cơ quan, đơn vị, cxuô tổ chức chính trị xã hội gruô hu shuv xênhz muk cơưv ntơưr, yaz ntơưr, krưr nhiax paz cxơưz cêr cơưv, siz chos lês hâux lưv “Paz shuv xênhz hâur têx hnuz tưr ntơưr’; cxiv tsa tsưr ziv bax txưv uz no trâu jias tưr, cxênhz yuôx tiz nênhs saiz tưr txâuk chai.

Fuô luk jâus no, đồng chí Thơưx ban Chox car cxiz cov têx đồng chí thành viên tsi njênhk vax huôv, phênhv shuôv ntơưv ngành thiaz hâux lưv tâu zok chia lês jông tsưr ziv tưz tso tơưv. Moz siaz fuô lês Chỉ thị số 15/CT-TTg hnuz 16/5/2024 ntơưv  Thủ tướng Chính phủ lok sâuv tsik tsês chox car, siz chos kriz tiar jias tưr tas ntơưr THPT thiaz xair cơưv đại học, choz kria uô hâux lưv shông 2024. Tror chox car têx yar cơưv yaz ntơưr trâu shuv xênhz; cxiv tsa tsưr ziv bax uz no nhav nxiak paz trâu jias tưr tâu kriz zos cêr tuôr xav, nhaz xênhz trâu têx shuv xênhz tưr thiaz cán bộ saiz tưr. Cxiv tsa tsưr ziv por hưv cêr nox nhoz njias to, chaix tsav yêz muk lok nhaz xênhz, tir tar hluôr tơưk cuz trâu têx qơư tưr; côngz xưv por hưv, thâux, zok đề tưr, jax tưr tsuv fuô lês ntov chai; têx cơ quan fuô kria xor mông tsik so sâu tơưv têx xor mông lok sâuv jias tưr.