Txuv Jias njiz cử tri muôx đồng chí: Lê Hồng Minh, Phó Chủ tịch UBPX tỉnh thiaz thơưx car huyện Mường La.

Paz đại biểu Quốc hội tỉnh tưz kria cử tri pâuz têx hâux lưv uô tâu hâur oz jias cơưv ntơưv Quốc hội; tsov xav cxênhx cxênhv, hâux lưv Jias cơưv tiv trâu, zuôr tâu kriz txix hnuz 23/10 txos hnuz 29/11, cxênhz yuôx tso tơưv 9 dự án cêr chai, 2 tsov xav nghị quyết thiaz muôx ndâux luk trâu 8 dự án cêr chai; têx hâux lưv nhiax txiax - xã hội, nhiax Têz qơưk, cxênhz yuôx thiaz têx hâux lưv zov chênhr txơưr…

Cử tri thax tsav 3 xã Chiềng Ân, Chiềng Muôn thiaz Chiềng Công khov cxuô cấp muôx vax huôv muôz nhiax cxiv kho txox cêr txix jok Tà Pù Chử, xã Chiềng Ân txos xã Bản Công, huyện Trạm Tấu, tỉnh Yên Bái; zênhx max uô tiar txox cêr txix jok Nong, xã Chiềng San txos Bắc Yên; muôz nhiax kriz txox cêr txix đrôngs xã Chiềng Công txos xã Háng Chú, huyện Bắc Yên; nzor piz uô txox cêr Chiềng Muôn - Ngọc Chiến; moz siaz cxaz nhiax paz trâu nênhs uô hâux lưv tsik chuyên trách hâur jok thiaz hâur xã; bax nhiax paz uô ntêx trâu têx hâux lưv cxiv kho, uô yiaz txox cêr muk lok trâu pêx xênhv têx liax têz…

Huyện Mường La cux khov Quốc hội, Tỉnh uỷ, UBPX tỉnh moz siaz paz nhiax trâu hâux lưv kriz cêr muk lok hâur têx xã tox siaz; paz uô yar gox Chiềng Hoa - Tạ Bú (lok sik uô tus qox) hla tus đêx Đas txuôk têx xã Chiềng Hoa, xã Tạ Bú, xã Mường Chùm. Muôz nhiax uô yar gox Mường Trai; txox cêr nhoz oz saz ntus đêx txix jok Bá Hát, xã Pi Toong txos jok Huổi Co Có, xã Mường Trai; paz nhiax uô ntêx trâu hâux lưv lês tiar têx dự án hâur thax tsav huyện ntu 2021 - 2025, lar haik têx dự án kriz cêr muk lok; paz nhiax uô ntêx trâu côngz xưv cxưx nhiax uô têz qơưk hâux lưv ntu 2026 – 2030 trâu têx txox cêr txuôk têx huyện nhoz puôz huyện Mường La.

Paz đại biểu Quốc hội tỉnh tưz mnôngs, têz cử tri ndâux luk nus, khov vav trơưk li vax huôv tâu zok. Đros ntơư, sâu tsês cử tri ndâux luk khov chia xa trâu Quốc hội thiaz cơ quan muôx vax huôv cxênhz yuôx, paz tu trơưk chai.

Fuô luk hâur Jâus cơưv, đồng chí Nguyễn Hữu Đông cxiz cov huyện Mường La, thax tsav 3 xã Chiềng Ân, Chiềng Muôn, Chiềng Công uô jông côngz xưv cxiv tsa Đảng; moz siaz chox car lês muôx kaz hâu côngz xưv ntuôk pêx xênhv, pâuz mênhx pêx xênhv luz nênhx, hâux lưv hair nênhs tsơưs, cêr chai vax huôv siz luôs hâur zuk qơư nhoz; chox car fuô lês têx hâux lưv têz qơưk; uô jông côngz xưv tsưx truôx thax tsav nhoz njias to; por hưv pêx xênhv luz nênhx hlôngr yiaz…

Ndax trâu jias no, Paz đại biểu Quốc hội tỉnh tưz krưr huv trâu 14 ziv nênhs muôx côngz nhoz têx xã Chiềng Ân, Chiềng Muôn, Chiềng Công; paz nhiax cơưv ntơưr Zênhz X Vưx trâu 10 lênhx shuv xênhz mnôngs luk cơưv coz muôx luz nênhx txov nhêv nhoz xã Chiềng Ân.