Đồng chí Chủ tịch HĐPX tỉnh đros Paz côngz xưv tưz muk shuôk, puz huv têx thương binh: Nguyễn Thế Biên, jok Mé Mận, xã Chiềng Mai; Vũ Xuân Chiến, tiểu khu cêr yuôv, xã Chiềng Mai; Cầm Văn Kiêm thiaz Hoàng Văn Tiện, jok Thạy 6/1, xã Chiềng Ban thiaz Quàng Văn Tương, jok Củ, xã Chiềng Ban.

Ntơưv têx ziv nênhs, đồng chí Chủ tịch HĐPX tỉnh tưz uô tsâus yar ntux ndo txiax njis têx thương binh, liệt sĩ tưz tsik khur xiv trox nyar, paz txos xưv cxênhx tir ntâuk tos đơưk tiz nênhs điv têx cêr tsiv txov, por hưv cêr tiax tuk, zưx fênhx trâu Têz qơưk. Đros ntơư, cxiz cov nov hâu thax tsav tror moz siaz, tu saiz cêr uô nênhx, nox nhoz, chia siaz thiaz paz cêr zôngx ziv chia têx ziv nênhs thương binh, liệt sĩ zênhv hnuz zênhv muôx cêr uô nênhx tâu jông đuô.

Hnuz 23/7, đồng chí  Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh tưz muk shuôk, puz huv nênhs muôx côngz, zis muôx nênhs tas txox sia viv têz qơưk thax tsav huyện Sông Mã.

Paz côngz xưv ntơưv tỉnh, huyện tưz muk shuôk, puz huv thương binh Lành Văn Nơi thiaz bệnh binh Cầm Văn Hòa, jok Nà Nghịu II, xã Nà Nghịu; thương binh Nguyễn Quang Tuyến, jok Lướt, xã Chiềng Khoong; thương binh Trương Công Uẩn, jok Khương Tiên, xã Chiềng Khương; pos Trần Thị Thỉnh (niav liệt sĩ), tổ 1, thị trấn Sông Mã.

Đồng chí Xuân Xênhv Tsaz tưz uô jông nus đas jos, cêr nox nhoz ntơưv têx ziv. Phôngv côngz têx đồng chí thương binh, bệnh binh thiaz zis muôx nênhs liệt sĩ  đas jos, shir phaz, tsik tsês huôv nzir cênhz cưv uô têz qơưk, zos nênhs jông trâu mê nhuôv xênhz nzưr cơưv shâuv thiaz zôngs trơưk. Đồng chí cxiz cov cấp ủy Đảng, nov hâu huyện tsik tsês uô jông côngz xưv ndo txiax njis yar ntux txos têx ziv nênhs muôx côngz cov luz uô nênhx tâu jông.

Hnuz 23/7, đồng chí Cuôv Xênhv Tsaz, Ủy viên Ban Thường vụ Tỉnh ủy, Phó Chủ tịch HĐPX tỉnh tưz muk shuôk, puz huv têx ziv nênhs tâu chai paz thax tsav huyện Bắc Yên.

Đồng chí Cuôv Xênhv Tsaz puz huv pos Hoàng Thị Nảy, muôx nênhs liệt sĩ nhoz jok Văn Ban, thị trấn Bắc Yên.

Ntơưv têx ziv nênhs, đồng chí Cuôv Xênhv Tsaz tưz muôx luk uô tsâus, ndo txiax njis yar ntux txos têx ziv nênhs liệt sĩ, têx thương binh, tưz paz đas jos, trox nyar trâu xưv cxênhx cxiv tsa, por hưv Têz qơưk. Tok nrư, têx ziv nênhs huôv nzir cênhz cưv nhiav têz qơưk, zos jông nênhs chia choz kria cênhz cưv uô têz qơưk trâu fâuv hluôs thiaz cxơưz paz mê nhuôv xênhz nzưr trâu siaz siz tưr uô kôngz lông, huôv vav nhiax txiax, siz chos cxiv kho jêx jok zênhv hnuz zênhv buôx nux jông jav.

Hnuz 23/7, đồng chí Lê Hồng Long, Ủy viên Ban Thường vụ Tỉnh ủy, Thơưx ban Tổ chức Tỉnh ủy tưz muk shuôk, puz huv têx ziv nênhs muôx côngz thax tsav huyện Mường La. 

Đồng chí Lê Hồng Long đros paz côngz xưv tưz muk shuôk, gra huv ntơưv Tỉnh ủy, HĐPX, UBPX, Ủy ban MTTQ Việt Nam tỉnh puz trâu bệnh binh Lường Văn Pùa, jok Nà Tòng, thị trấn Ít Ong; thương binh Quàng Văn Piềng, jok Cun thiaz thương binh Lò Văn Hoang, jok Nhạp, xã Chiềng Lao.

Đồng chí Thơưx Ban Tổ chức Tỉnh ủy tok nrư têx ziv nênhs tsưx tsês thiaz huôv nzir cênhz cưv cxiv tsa têz qơưk, sir jos hla đhâu cêr phiv liv, cxiv tsa luz nênhx tâu jông; lês jông Đảng, Têz qơưk têx cêr chai; choz kria têx fâuv hluôs trâu cêr uô nuv, cơưv shâuv, paz trâu cêr huôv vav nhiax txiax - xã hội ntơưv zuk thax tsav. Cxiz cov cấp ủy, nov hâu thax tsav tsik tsês moz siaz paz txos cêr uô nênhx nox nhoz trâu nênhs muôx côngz hâur thax tsav.

Hnuz 23/7, đồng chí Lưu Minh Quân, Ủy viên Ban Thường vụ Tỉnh ủy, Thơưx ban Dân vận Tỉnh ủy tưz muk shuôk thiaz puz huv trâu têx thương binh: Vì Văn Giót, jok Nà Mòn, xã Mường Và; Tòng Văn Học, jok Ban, xã Sốp Cộp, huyện Sốp Cộp.

Ntơưv têx qơưk muk shuôk, đồng chí Thơưx ban Dân vận Tỉnh ủy tưz nus, phôngv côngz hmôngr txos đas jos têx thương binh thiaz ziv nênhs tsik tsês huôv nzir cênhz cưv nhiav têz, nhiav qơưk, côngv huôv vav nhiax txiax; cxơưz mê nhuôv xênhz nzưr cơưv shâuv, côngv cxiv kho jêx jok, têz qơưk. Đồng chí cxiz cov huyện lês jông cêr chai ntơưv Đảng, Têz qơưk paz txos têx nênhs muôx côngz uô têz qơưk; tsik tsês moz siaz paz têx ziv nênhs thương binh, bệnh binh  hla đhâu cêr phiv liv, cxiv tsa luz nênhx nhoz.

Hnuz 23/7, đồng chí Bùi Minh Tân, Ủy viên Ban Thường vụ Tỉnh ủy, Thơưx ban Nội chính Tỉnh ủy đros paz côngz xưv muk shuôk, puz huv têx thương binh, ziv muôx nênhs liệt sĩ xã Mường Giôn, huyện Quỳnh Nhai.

Đồng chí Thơưx ban Nội chính Tỉnh ủy tưz muôz 5 poz huv trâu têx thương binh: Lường Văn Thương, Bạc Cầm Nguyên, Lò Văn Ón thiaz 2 ziv muôx nênhs liệt sĩ ntơưv xã Mường Giôn, huyện Quỳnh Nhai.

Ntơưv jâus njiz njêx muôs, đồng chí Thơưx ban Nội chính Tỉnh ủy tưz uô jông nus txos đas jos têx ziv nênhs. Đros ntơư, uô tsâus, ndo njôngr txiax njis, yar ntux têx thương binh, ziv muôx nênhs liệt sĩ tưz paz đas jos trâu xưv cxênhx cxiv tsa, por hưv Têz qơưk; tok nrư, têx ziv nênhs zuôr huôv nzir cênhz cưv nhiav têz, nhiav qơưk, cxơưz jos têx mê nhuôv xênhz nzưr trâu siaz lês cêr cxiv kho zuk thax tsav cov zênhv hnuz zênhv huôv tsar.

Hnuz 23/7, têx đồng chí Hoàng Chí Thức, Chủ tịch Hiệp hội Nuôv zax tỉnh; Nguyễn Quốc Khánh, Chủ tịch Hiệp hội Tsêr luôv tỉnh đros Paz côngz xưv tưz hlơưr shaz ntơưv Tsêr ndo txiax njis têx Anh hùng Liệt sĩ Tsêr tux Sơn La; shuôk, puz huv têx zis muôx nênhs liệt sĩ thax tsav thành phố Sơn La.

Hlơưr shaz ntơưv vax nza ndo txiax njis têx Anh hùng Liệt sĩ Tsêr tux Sơn La. Tâu lês tsiv txiax los, têx đại biểu tưz uô tsâus, ndo txos zênhz côngz lox hloz ntơưv têx Anh hùng liệt sĩ tưz truôx siaz tir ntâuk tros, tsik khur xiv txox sia por hưv cêr thax zênhz, zưx fênhx trâu Têz qơưk, viv cêr shir phaz trâu pêx xênhv. Ndo njôngr têx cêr paz lox hloz ntơưv têx fâuv nênhs đrav ntêx cxiv tsa têz qơưk, têx đại biểu chos lul zuôr tsik tsês huôv nzir cêr thôngx siaz, hla đhâu cêr phiv liv chia cxiv kho jêx jok zênhv hnuz zênhv truôx njês.

Nzir ntơư, Paz côngz xưv tưz muk shuôk, puz huv têx zis muôx nênhs liệt sĩ Cao Kim Nhiễm, tổ 9, phường Tô Hiệu; zis muôx nênhs liệt sĩ Nguyễn Văn Vinh, tổ 9, phường Quyết Tâm. Shuôk, puz huv thương binh Doãn Văn Hiển, Chủ tịch Hội đồng saiz car Công ty cổ phần Thương binh 30/4.