Jias njiz muôx đồng chí Nguyễn Thành Công, Phó Chủ tịch UBPX tỉnh; thơưx car têx sở, ban, ngành ntơưv tỉnh; têx tsêr luôv, tuz luôv lês tâu hâux lưv jông hâur thax tsav tỉnh.

Tỉnh Sơn La muôx 127 tsêr luôv muôx tổ chức công đoàn. Têx shông đhâu, thơưx car têx tsêr luôv tưz đros têx tổ chức công đoàn fuô lês têx cêr chai lok sâuv vax huôv siz txis ntơưv thax tsav, cxiv tsa qơư uô hâux lưv nhaz xênhz, cxơưz paz huôv tsar uô kôngz lông, lax luôv, paz muôx hâux lưv uô, sâu nju nhiax txiax trâu đoàn viên, nênhs uô hâux lưv. Đros trâu lês jông vax huôv zos chai trâu têx tổ chức công đoàn cơ sở têx tsêr luôv hâur tỉnh tưz đros têx tsêr luôv zuôr nênhs uô hâux lưv moz siaz txos đoàn viên thiaz nênhs uô hâux lưv luz nênhx; chuôz jos trâu têx nênhs uô hâux lưv paz trâu xưv cxênhx huôv tsar truôx njês ntơưv tsêr luôv.

Trơưk cxênhz, yax 85% tsêr luôv muôx tổ chức công đoàn ntơưv Sơn La tưz cxiv tsa cêr chai vax huôv siz txis; yax 70% tsêr luôv muôx tổ chức công đoàn chos luk lês hâux lưv uô cê. Muôx zuôr luôs 50 tsêr luôv kriz uô mor trâu têx nênhs uô nuv nox hâur qơư uô nuv, đros trâu têx nhiax nox txix 18 txos 80 cxênhz/jâus, muôx cxuô zav chia paz muôx đas jos... Hâur Hli Công nhân 2024 nhiv kruôr đhâu, têx tsêr luôv tưz kriz ntâu hâux lưv shuôk đoàn viên, nênhs uô hâux lưv njiz ntâu cêr phiv liv, muôx moz…, đros trâu têx nhiax 15,8 tỷ đaiv. 

Muôx luk ntơưv jias cơưv, đồng chí Phó Chủ tịch UBPX tỉnh cxiz cov ntu zuôr txos, Ban Thường vụ LĐLĐ tỉnh thiaz Ban Thường trực Hiệp hội Tsêr luôv tỉnh tror nthuôr huôv jông têx zav lês tâu jông, chox car cxuô cấp công đoàn, têx chi hội tsêr luôv, têx thành viên moz siaz đros thơưx car tsêr luôv lês jông têx cêr siz tưr uô hâux lưv coz, lês tiar hâux lưv uô kôngz lông, lax luôv thiaz têx hâux lưv saiz shuôk đoàn viên, nênhs njiz cêr phiv liv luz nênhx...

Liên đoàn Lao động tỉnh Sơn La tưz muôz ntơưr kruôk trâu 10 tsêr luôv lês tâu hâux lưv jông; Hiệp hội Tsêr luôv tỉnh muôz ntơưr kruôk trâu 10 lênhx nênhs lês tâu hâux lưv jông./.