Tsêr kho moz Yuôx njuôz tỉnh Sơn La tsa yênhx hnuz 23/2/1968. Txix thâuv tsa yênhx txos nhiv no, Tsêr khoz tưz hla đhâu cxuô ntu huôv tsar: Tsêr kho moz Yuôx njuôz Sơn La, zos Tsêr kho moz zôngv cxuô zav yuôx njuôz hâur pêx xênhv cxuô hair nênhs Sơn La, Tsêr kho moz Yuôx njuôz Sơn La thiaz txos nhiv no yênhx Tsêr kho moz Yuôx njuôz tỉnh Sơn La.

Tsêr kho moz muôx 21 khoa, phòng thiaz iz trung tâm; yax 200 cán bộ, viên chức, nênhs uô hâux lưv. Đros trâu njiaz luk “Muôz têx nênhs moz saiz hloz” thiaz cêr tuôr xav “Txâuk siaz trâu têx nênhs uô hâux lưv, têx nênhs moz thiaz tsêr nênhs”, têx cưk kho moz tưz tsik tsês cơưv shâuv tsưr ziv kho moz yiaz, têx yuôx jông chia sir zôngv hâur ntu kho moz; tsưx truôx têx hâux lưv râuz yuôx phaiz trâu têx nênhs moz hâur tsêr kho moz hâuk.

Tsêr kho moz tưz huôv tsar têx nênhs đros trâu njiaz luk “Chưx pưv jông – Txơưx tsov xav tsưr ziv – Coz njuôk kho moz – Truôx bo siaz njưk kho moz”; tror sir zôngv yuôx njuôz đros trâu yuôx têz qơưk chia njuôk thiaz kho moz trâu têx nênhs moz. Iz thênhv jux juk kriz đar, fuô lês têx tsưr ziv yiaz li: labo njuôk moz ntơưv tsêr kho moz muôx cxix cxuô têx chuôz zênhx njuôk siv nyar, jik, cxênhz njuôk caz moz. Saz njuôk moz tưz lês jông ntâu tsưr ziv sir zôngv yuôx njuôz thiaz iz cxia tsưr ziv sir zôngv yuôx têz qơưk li cxax yuôx kho moz poz kix cxa, faik moz, truz, kho poz cxa lor… Hâur ntu muôx caz moz Covid-19 phiv liv, Tsêr kho moz tưz zok nriar tâu yuôx njuôz chia kho li: Hưx yuôx hnôngs uô cuô hâuk; hnaz yuôx cxơưz tas nro chêr...

Muôx luk ntơưv jias njiz njêx muôs, thơưx car Sở Y tế cxiz Tsêr kho moz Yuôx njuôz tỉnh cov moz siaz cxiv tsa Tsêr kho moz yuôx njuôz cxuô hair nênhs - Txơưx tsov tsưr ziv thiaz kho moz trâu hur si pêx xênhv. Sir jos lês jông côngz xưv hlôngr uô ntâuz ntơưr têz qơưk, sir zôngv công nghệ thông tin, hlôngr pâur số trâu hâux lưv njuôk, kho moz; kria nzir tsưr ziv thiaz lês cêr chai paz trâu têx cán bộ, cưk kho moz; muôx nzir ntâu têx hâux lưv fiv huv trâu pêx xênhv cêr sir zôngv zênhv hnuz zênhv siaz. Cxênhz yuôx, cxiv tsa cêr tuôr xav muôz nhiax kho đuô têx tsêr cxuô zav, zuôr nzir têx chuôz zênhx trâu tsêr kho moz; tuôr xav mênhx ntu lês hâux lưv, tsưr ziv sir zôngv pênhr nhiax thiaz phaiz ntu muôz pênhr lês trơưk cxuô ntu chia cov đơn vị muôx pênhr xưv cxiv tsa tâu tsêr kho moz jông jav.