Dự án txox cêr Võ Nguyên Giáp tâu saz lax thôngz, tik bê trâu Nghị quyết số 275/NQ-HĐPX hnuz 8/12/2023 ntơưv HĐPX tỉnh, muôx hâu cêr txuôk cêr yuôv Tô Hiệu, cêr Điện Biên đhâu Yar tiax lox Tây Bắc, yuôv trâu cêr Nguyễn Văn Linh txos ntu kaz cêr têz qơưk số 6 txox jav thành phố. Txox cêr muôx oz sênhv ntêr 2,2 caik, txox cêr đar 31 thiar, plơưr cêr đar 21 thiar, 2 saz ntus cêr iz saz đar 5 thiar,  plơưr cêr lênhv bê tông trox ntông, tâu hênh tsav yêz nhaz xênhz, muôx têx điện tơưk pov cêr, qơư đêx ntưk, chos ntông njuôz. 

Đhâu 2 shông uô, txox cêr Võ Nguyên Giáp tưz uô tiar, cxiv tsa hồ sơ tuôr xav tso chai uô, trơưk cêr chai têz qơưk, uô tâu li tuôr xav, txâuk chai sâu nhav, uô tiar chia yêz mul lol thôngz plơưk. Hok têx zav tâu cxaz nzir mal zos njưs thair tsas ar thiaz tsas cêr tâu  tuôr xav tso chai lês, tsov xav zuôr uô tiar trâu hâur shông 2024.

Tik bê cêr Võ Nguyên Giáp trâu txox cêr Saz kaz hnuz pôngz đrôngs thành phố Sơn La zos cêr ndo txiax njis yar ntux ntơưv Đảng bộ, nov hâu thiaz pêx xênhv cxuô hair nênhs thành phố Sơn La txos trâu Đại tướng Võ Nguyên Giáp, chia choz kria cênhz cưv, cêr cxiv tsa têz qơưk, cêr nhiav nhiav têz nhiak, cêr cax siaz trâu pêx xênhv cxuô hair nênhs thành phố Sơn La. Uô tiar txox cêr, muôz lok zôngv uô ntêx shông yiaz, zuôr paz trâu pêx xênhv muk lok zôngx ziv, lov jêv tok Tsiaz têz qơưk Jax shông ./.