Ban tổ chức tưz nhav tâu 97 hồ sơ, nhoz 5 zav ntơưv 70 yar cơưv ntơưv 11 huyện, thành phố. Hâur ntơư, 15 zav hax huv zos chuôz zênhx cơưv ntơưr; 6 zav zos phênhv đruôz mair; 29 zav tưx tsik hiav txos đêx ar huôz chuô nyiaz hur; 21 zav hax huv zos têx chuôz zênhx zôngv hâur zis nênhs thiaz chuôz zênhx mê nhuôv zâuk uô si; 26 hax huv zos tsưr ziv tir tar huôz chuô txơưr txar, por hưv đêx ar huôz chuô thiaz huôv tsar nhiax txiax. Muôx 27 zav hax huv, uô tâu jông chia muôz huv puz. Ban tổ chức tưz xair 14 kror, hax huv xa côngv Jias tưr hluôs nênhs, mê nhuôv zâuk uô tơưv chuôz zênhx thôngz têz qơưk jias tiv 19, shông 2023. 

Trơưk cxênhz ntơưv Ban tổ chức, têx hax huv côngv jias tưr tưz nthuôr huôv tâu têx cêr xar, cêr nhiav ntơưv têx hluôs nênhs, mê nhuôv zâuk hâur hur si tỉnh. Jias tưr tưz gruô hu têx yar cơưv, shuv xênhz têx niav txir thiaz hur si xã hội siz chos moz siaz lês têx hâux lưv ntơưv shuv xênhz. 

Ban tổ chức muôz côngz mênhx cuz, nhiax, tôngx trâu 5 zav tưr tâu hov iz, 5 hov oz, 5 hov pêz, 12 hov cxơưz jos. Têx nênhs paz tưz muôz 19 hov txơưx xav tơưv muôx liv thiaz 1 hov trâu tus nênhs tưr hnuz nhôngs zâu yax.

Ntơưv jias muôz huv puz, Ban tổ chức tưz gruô hu jias tưr hluôs nênhs, mê nhuôv zâuk côngv trâu jias tiv 7, shông 2024.