Đhâu 2 hnuz (6 - 7/9) kriz jâus tưr, 29 lênhx nênhs fuô kria cêr chai lix qox cấp tỉnh, huyện thiaz nênhs fuô kria cêr chai cấp xã tưz tưr đhâu têx phênhv: Fuô lul trâu sâuv tsar thiaz đơưk têx zav muôx yưv.

Hâur six hơưv 20 phút, têx nênhs tưr tưz piar têx njiaz lul zov chinhr lol sâuv njiaz lul cêr chai lix qox tâu xair tsov; tưz haik txos ntâu faz tsưr ziv đơưk têx zav muôx yưv; muôz têx đuôz kriz lol sâuv zôngs trơưk cêr chai lix qox txix fuô lês côngz xưv thiaz hâur luz nênhx chia phênhz, haik mênhx đuô têx cêr chai ntơưv cêr chai lix qox, muôx ntâu njiaz lul fuô trâu jâus tưr.

Têx nênhs tưr têz lul nus lol sâuv đơưk têx zav muôx yưv puôr lênhx haik txos têx kror chinhr chưr cêr chai, têz lul nus trơưk njiaz lul, tưz têz txâuk trâu Ban giám khảo thiaz têx nênhs tuôx saiz kruôk nxias. Têx điểm tưr piar lul thiaz têz lul nus tu têx zav muôx yưv ntơưv têx nênhs tưr jâus suôx câuv tsơưs mal 73,1 điểm thiaz siaz yax mal 91,4 điểm, xav hur si tâu 100 điểm.

Suôx câuv jâus tưr, Ban tổ chức tưz muôz huv puz 3 lênhx tưr tâu jông tiv iz trâu têx nênhs tưr nhoz têx đơn vị: Chi cục Kiểm lâm, Phòng Tư pháp huyện Sông Mã thiaz Hội Liên hiệp pox niav xã Huổi Một, huyện Sông Mã. Muôz huv puz 3 giải oz, 6 giải pêz thiaz 17 giải tưr tâu jông trâu têx nênhs tuôx tưr tâu hâur jias tưr.

Jâus tưr Nênhs txơưx fuô lul lol sâuv cêr chai lix qox phax, tar nênhs nox nhiax thơưx jâus tâu kriz tưz paz têx nênhs fuô lul tâu siz njiz, siz chos cơưv shâuv tsưr ziv lol sâuv fuô kria cêr chai lix qox; chia cov muôx tsưr ziv fuô kria cêr chai lix qox lol sâuv phax, tar nênhs nox nhiax.