Shông 2023, huyện Mộc Châu uô tâu 175 tiêu chí jêx jok yiaz, xav đruôz đraz uô tâu 13,46 tiêu chí/xã; uô tiar hâux lưv cxiv kho xã Nà Mường tâu côngz jêx jok yiaz. Fuô lês hâux lưv chaz điện pov cêr tâu yax 24 caik cêr jêx jok; uô tâu 13 caik cêr yêz. Thơưx car, tưz chox kria lês siz luôs jok têx hâux lưv huôv tsar đrôngs lox; xav điểm đrôngs lox jông hov 4 (thax tsav chiav têz hur si) tâu 82,93 điểm; uô tâu 56/63 kror txâuk chai. Txo tsơưs têx ziv pluôs yuôr 3,47% (yax 0,52% njuôk li cêr xav); kho tâu 100% luz tsêr đos đis, xâu nas.

Hâur shông, Mộc Châu tsik tsês tâu côngz zos Qơư tuôx nuôv zav muôx tox trôngz hâur pêk jông tiv iz hâur têz qơưk Việt Nam, Qơư tuôx muôx tox trôngz hâur pêk thax tsav uô thơưx hlo Châu Á shông 2023, muôx jê 2,5 triệu pưs kruô tuôx nuôv zax, xav sâu tâu nhiax yax 2.800 tiv đaiv. Tsưx truôx chính trị njias to, por hưv cêr nox nhoz njias to. Têx hâux lưv đros luôs oz chas têz qơưk siz khov tâu lês tsik tsês, kriz đar. Côngz xưv cxiv kho Đảng thiaz cxiv kho ndêx ntus chính trị tâu lês jông.

Ntơưv jâus kruôk, thơưx car Huyện ủy tưz kruôk txos 77 paz thiaz têx tus khênhx. Đros ntơư, tso luk gruô hu cêr siz tưr uô nuv trâu shông 2024, sir jos uô tiar cxuô chỉ tiêu, cêr xav li Nghị quyết Đại hội Đảng bộ huyện jâus tiv 22, ntu 2020-2025, yax hlo mak têx hâux lưv cxiv tsa huyện txâuk chai công nhav zos thị xã, côngk nhav Thax tsav nuôv zax Têz qơư trâu shông 2025./.